الأنبا ابرام

🌺درس يوم الجمعة
٩ يونيه ٢٠٢٣ م
٢ بؤونه ١٧٣٩ ش
😇تصرفاتي تشهد للمسيح 😇
الانبا ابرام اسقف الفيوم والجيزه

🌺محور الدرس  :
أن يعرف الطفل ان يشهد للمسيح بتصرفاته

🌺الهدف : مساعدة الطفل ان:
🔹يعرف : أن يشهد المسيح بتصرفاته .
🔹يشعر : بنوته للسيد المسيح فى تصرفاته .
🔹يتدرب : علي السلوك بطريقه تليق بابن وابنة للسيد المسيح.

🌺آية الدرس :
*"كونوا قديسين لاني أنا قدوس " * ١بط ١٦:١
🌾🌿الدرس🌾🌿
🌿بطلنا يا اولاد اتولد سنه ١٨٢٩ في قريه دلجا ايبارشيه ديروط وكان اسمه بولس غبريال باباه ومامته كانوا بيحبوا ربنا جدا🌷💖
🌿وعشان كده كان كل هدفهم يربوا ابنهم علي محبه ربنا وعشان كده بولس كان دايما مواظب علي حضور القداسات وتواجده في
الكنيسه.بس وهو عنده ٨ سنين مامته سافرت السما.
🌿وعاش بولس مع باباه.وهو عنده ١٥ سنه اترسم شماس ، ولما كان عنده ١٨ سنه كان عايز يتفرغ اكتر للصلاه وقراءه الكتاب المقدس 📚📚وعشان كده فكر في الرهبنه..وفعلا يا اولاد راح دير السيده العذراء مريم بالمحرق وكان اسمه الراهب "بولس المحرقي" ، وبعدها بفتره اترسم أسقف.
🌿بطلنا يا اولاد هو قديس معاصر  يعني عاش معانا في العصر الحديث مش ايام الاستشهاد ، قديسنا هو "الأنبا ابرام أسقف الفيوم والجيزة "
كان عايش معانا ف زمانا وكان يشهد للمسيح باعماله .
🌿 الأنبا ابرام كان مخصص الدور  الاول من مبني المطرانيه⛪⛪ للفقراء وكان دايما معاهم عشان يطمن عليهم، لو دخل عليه اي حد محتاج فلوس كان يديه كل اللي معاه، ولو مش معاه فلوس يديه مثلا لبس👕👖👗👚👞👟
🌿الانبا ابرام كان  عطوف جدا وكان رجل عطاء وكمان رجل صلاه
تعالوا نعرف يعني ايه رجل صلاه؟
يعني كان بيقوم في نص الليل يصلي حتي الفجر وقد شهد له الجميع أن صلاته كانت بروح وعزيمه قويه حتي في شيخوخته..وكان بينام عدد ساعات قليليه جدا..
🌿كان في مره ٣ شباب 🚶🚶🚶حبوا يستغلوه لما عرفوا انه بيدي كل الناس.دخلوا عليه وقالوا له أن صاحبنا مات ومش معانا حتي تمن الكفن.فسألهم الانبا ابرام مات..!!؟؟وكانت اجابتهم نعم !!!!
فهز رأسه وكالعاده مد ايده في جيبه واعطاهم كل ما يملك طلعوا من عنده مبسوطين جدا..وراحوا لصاحبهم لقوه فعلا مات...ندموا علي ما فعلوه؟ ورجعوا للانبا ابرام سامحهم علي ما فعلوه .
🌿الانبا ابرام كان بسيط جدا في لبسه واكله ، وكان ضابط نفسه من كل شهوه..
🌿وكمان يا اولاد  عنده موهبه شفاء امراض ، في مره جت اليه أمرأه مصابه بالشلل وصرفت كل  ما تملك علي الأطباء والعلاج ، اقامت هذه السيده في بيت الضيافه لمده اسبوع وظل قديسنا يصلي من اجلها باستمرار..
وفعلا ربنا استجاب  لصلاته وشفاها وخرجت من بيت الضيافه وهي تمشي علي رجليها.
🌿وكمان كان الطلبه بيروحوا له قبل الامتحان يصلي ليهم ويطمنهم.
🌿قديسنا  قديس عظيم  كان عنده شفافيه وربنا كان مبين له أمور كثيره هتحصل وده طبعا جه من حفظه  لوصايا ربنا وكثره صلواته.
🌿 القديس العظيم الأنبا أبرام ، كان بيحب يقرأ فى الكتاب المقدس ، يقرأه كله فى الأربعين المقدسة .
🌿وفعلا كان شاهد للمسيح في كل تصرفاته اللي بينه وبين ربنا واللي قدام الناس.🌷🌷

🌺نتعلم من قديسنا يا أولاد
العطاء
🎄العطاء من فلوسى .
🎄ممكن اعطي من وقتي لو حد من اخواتي طلب مني مساعده فى المذاكره
🎄ممكن اعطي من وقتي لو اساعد ماما فى البيت.
🎄كلمه التشجيع عطاء.
🎄اصلي من اجل اخواتي واصحابي ده عطاء.
*وكده نبقى زى الأنبا أبرام نشهد للمسيح بتصرفاتنا، ونبقى قديسين زى الايه ما بتقول "كونوا قديسين لاني انا قدوس"