الأنبا صرابامون أبو طرحة

اسم الاب والابن والروح القدس اله واحد امين 🙏🙏

🌹احباؤنا اولياء الامور وأولادنا الحلوين🌹
🌟درسنا اليوم بيتكلم عن 🌟
💜 (( الانبا صرابامون ابو طرحة ))💜
🎀ايه الدرس🎀
✏(( طوبى للرحماء لانهم يرحمون )) ( متى 5 : 7 )✏
📃هدف الدرس 📃
👓 ان يعرف قصة الانبا صرابامون ابو طرحة.
👓 ان يشعر بالبركة والسرور باعمال الرحمة.
👓 يتدرب على عمل الرحمة فى الخفاء.
🎀 الدرس🎀 :
🌞 قصتنا انهارده عن قديس جميل اسمه الانبا صرابامون ابو طرحة كان مشهور بالعطاء وخصوصا (للاسر المستترة)
🌹الاسر المستترة معناها ناس يبان عليها انها كويسة جدا لكن فى الحقيقة هم بيكونوا محتاجين مساعدة بس بيتكسفوا يطلبوا مساعدة علشان كدة فى كنائس كتير💒 عاملة خدمة الاسر المستترة وبيساعدوهم من غير مايحرجوهم.
🌞وعلشان كدة الانبا صرابامون لما كان بيروح يوزع عليهم اكل او فلوس كان بيلبس طرحة علشان ماحدش يعرفه👤 وكان دايما بيعمل بالاية اللى بتقول( طوبى للرحماء لانهم يرحمون) (متى 5 : 7) وكان بيعطى المحتاجين بكل فرح ومحبة. 😊😊

🎀قصة الانبا صرابامون🎀
🌸الانبا صرابامون كان اسمه (صليب)
قبل الرهبنة.
اتولد فى الشرقية 👶وبعد موت باباه ومامته👫 عاش فى القاهرة 👦.
🌸كان صليب بيبيع زيت على حماره وفى يوم كان فى واحدة مش كويسة وقعت فى الخطية مع شاب وجابت طفل صغير👶 خافت من الفضيحة وموتته وكانت مش عارفه تعمل ايه؟ وخافت يتهموها بقتله ،راح ناس وحشين قالولها روحى ارميه عند رجل الحمار بتاع صليب وقولى هو اللى قتله ومش مشكله لو دخل السجن المهم تكوني في أمان🙍
وفعلا عملت كده واتهموا عم صليب و ودوه للقاضى،وهو فى المحكمة صلي وطلب من ربنا المعونه لانه عارف انه مظلوم ... ونظر الي الطفل 👶 وقاله قوم وقول الحقيقة؟ فقام الطفل واتكلم😲 ورجع مات وظهرت براءة عم صليب👍
ومن وقتها ساب الدنيا وراح اترهبن فى دير الانبا انطونيوس💒 وكان بيصوم ويصلى بنسك وتقشف 🙏 وبياكل دشيشه(قمح مطحون ) وينام على الارض.
🌸اختاره البابا بطرس الجاولى البطريرك ال 109 ورسمه اسقف للمنوفية وكان مشهور بحبه لعمل الرحمة والمعجزات 💖💖.
🌸فى يوم زهرة بنت محمد على باشا👧 والى مصر كانت تعبانة وعليها روح نجس 👺 احتار فيه الاطباء ،فطلب محمد على من البابا بطرس يصلى لبنته علشان تخف
فكر البابا انه يبعت الانبا صرابامون
لانه عارف انه بركه كبيره وفعلا
ذهب الانبا صرابامون لقصر الوالي محمد علي
وصلى لزهره بنت الوالي ورش ميه ورسم علامه الصليب عليها وقامت فى الحال 👩.
فرح الوالي وحب يكافئه وأصر ان يعطي له مبلغ من المال، راح اخذه ووزعه على العساكر قبل مايطلع من القصر 💂💂💂💂💂.
🌸وكان كل لما يعمل عمل رحمه او خير يقول للى بيساعده ماتقولش لحد، وفى مرة واحد نجار شاف شخص غريب بالليل مش باين من وشه غير عينيه 👀 فافتكر انه لص وفضل ماشى وراه لاقاه داخل جوة حارة فى حارة وفوق راسه قفه وكان يقف جنب الباب ويخبط، ويدى اللى بيفتحله من اللى معاه من غير مايتكلم.
وطبعاً لمّا الانبا صرابامون شاف النجار قاله اوعى تمشى ورايا تانى او تحكى لحد اى حاجة من اللى انت شوفتها 👀.
عاش الانبا صرابامون حتي نياحته
وهو يقدم كل ما يستطيع للمحتاجين
وكان بيفرح انه يرسم البسمه علي وجوه المحتاجين 😊😊 ويفرح قلب الله

🌸بتحتفل الكنيسة 💒 بعيد نياحة الانبا صرابامون فى 28 برمهات الموافق 6 ابريل من كل سنة .
🎀 التدريب🎀
ممكن عشوري أقدمها للكنيسة لخدمة اخوة الرب،
وممكن أساعد بيها أي محتاج وطبعا لازم يكون فى الخفاء زى ما اتعلمنا من قديسنا الانبا صرابامون ابو طرحة ❤❤.
ولالهنا المجد الدائم والى الابد امين🙏