البساطة في الايمان

🌹أحباؤنا أولياء الأمور 🌹
👈 درسنا اليوم بيتكلم عن البساطة في الإيمان🌹..(الحمام الطائر) 🕊🕊🕊

👈الهدف من الدرس🎯:
1⃣أن يعرف الطفل👦 أن الله يمنح البسطاء خيرات أكثر مما نطلب.🙇‍♂🙇‍♀

2⃣أن يشعر الطفل أن البساطة في الإيمان تجعله يشعر بوجود الله في حياته اليومية.✝

3⃣أن يتدرب على حياة البساطة الإيمانية التي تورث الملكوت💒

👈آية الدرس: "كونوا حكماء كالحيات🐍 وبسطاء كالحمام🕊" (متى 16:10)

👈مرجع الدرس: حياة الإيمان لقداسة البابا شنودة.

🍃🎍الدرس: النهارد ياحبايبي هانتكلم عن البساطة في الإيمان ✨🌟⭐ونشوف بطل قصتنا القديس كرياكو ونتعلم منه البساطة في الإيمان.

كرياكو كان بيحب ربنا جداً وكان عنده إشتياق من صغره انه يكون راهب ويعيش مع ربنا حياته كلها🙇‍♂
وفعلاً راح الدير⛪ وقابل رئيس الدير وحكى له حكايته.
وإترسم كرياكو راهب.. وكان بينمو في النعمه وكان بسيط وبشوس وبيحب كل الناس بالفعل وليس بالكلام🗣🗣💓💓 وبدأت الناس تيجي له من كل مكان ياخدوا بركته..

وطبعاً عدو الخير مش هايسيبوا في حاله... في مجموعة من الناس ذهبوا لرئيس الدير وقالوا له "كرياكو ده مش قديس ولا حاجة ده شخص عادي جداً وبيدعي البساطة والتواضع لكن هو عكس كدة..واحنا هانثبت لك.. بس قدمنا ليه على اننا ضيوف وشوف بنفسك.."

وراحوا للقديس ورحب بيهم 🤝🌺😊 بكل بشاشة وراح جاب لهم أكل ياكلوا وضيافة منه و لإظهار محبته لهم.. قعد ياكل معاهم... وكان الأكل حمام مشوي🍱
وكان اليوم ده موافق يوم الأربعاء.. وهنا استغلوا الفرصة وراح واحد منهم وقال لرئيس الدير وجمعوا الرهبان كلهم.. علشان يحرجوا القديس كرياكو😐 وقالوا ازاي انت راهب وماتصومش يوم الأربعاء!!

طبعاً القديس كرياكو ممكن يكون صايم طول السنة لكن علشان محبته لضيوفه عمل الأكل وهو مش عارف النهارده ايه في الأيام..
ورد القديس كرياكوا بكل تواضع وحكمة وبساطة قالهم طيب بما إن النهاردة الأربعاء. انا آسف ياخواتي.. واسمحوا للحمام ده انه يطير..وحصلت معجزة... هي إن الحمام طار فعلاً 🕊🕊🕊🕊🕊
وربنا أظهر بساطة وقوة إيمان القديس كرياكو ✝

✝ بركات حياة البساطةفي الايمان:
👈 ربنا بيعلن مشيئة وحكمته ويعلمها للبسطاء والمتواضعين
👈نور فى العالم: الإنسان البسيط هو الذي تتشبه بالمسيح في بساطته يبقى نور للناس
👈الحفظ والحماية: لان الإنسان البسيط لا يعتمد على ذاته ولا قدرته بل يعتمد على الله ويتكل عليه في كل شيء فيرعاه وينجيه من كل شر
👈ملكوت السماوات: وعد الرب المساكين بالروح (البسطاء) بملكوت السماوات " طوبى للمساكين بالروح لان لهم ملكوت السماوات"(مت5: 3)

✝ تدريبات لحياة البساطة:
👈محبة كل الناس وعدم تذكر اخطاء الاخرين
👈لا تمدح ذاتك وتذكر ان كل الصفات الحلوة اللي فيك نعمة من عند ربنا
👈اكرم المتواضع والبسيط ولا تحتقر احد البسطاء في الشكل او الملبس
👈لا تسمح لعينك ان تري اشياء لا تليق بأولاد ربنا حتى تحافظ نقاوة قلبك وبساطته
👈احفظ نفسك من اي فكر غير صالح بالصلوات والمزامير

وإحنا كمان ياولاد لازم نتعلم البساطة في الإيمان من القديس كرياكو. 🎍🎍🎍
بركة شفاعته تكون معانا🙇‍♂ 🌺