الخمس خبزات وسمكتين

🌺أحباؤنا اولياء الامور .... درس الجمعة الموافق ٧ اكتوبر 2022– 27 توت 1739🌺

💠اسم الدرس:
الخمس خبزات وسمكتين*

💠هدف الدرس: أهمية النظام لحياتنا الأبدية

1⃣ أن يعرف الطفل أهمية النظام للحياة العملية التي يخدم بها مجتمعه

2⃣ أن يشعر الطفل كيف ان النظام والالتزام به يفرح قلب الله

3⃣ أن يتدرب الطفل على تنظيم الاولويات لحياته اليومية

💠أيه الدرس: لأن الله ليس إله تشويش بل إله سلام كما في جميع كنائس القديسين (1كو 33:14)

💠الدرس: حكايتنا عن ولد 👦🏼اتغيرت حياته في يوم وليلة بعد ما كان ولد عادي من ابناء بني اسرائيل بقى من اشهر شخصيات الكتاب المقدس و كان عايش قريب من بيت صيدا🏘

وفي مرة طلب الولد ده 👦🏼طلب انه يخرج علشان يسمع👂🏼👂🏼 كلمات ربنا يسوع المسيح ، فسمحتله مامته👩🏼‍💼 وأعطته اكل (5 خبزات من الشعير 🥖🥖🥖🥖🥖وسمكتين🐟🐟)

خرج الولد ولما وصل لقى ناس كتير اوي اوي👩‍👩‍👧‍👧👩‍👩‍👦‍👦👩‍👩‍👧‍👦 وكان يسوع واقف في وسطهم بيعلمهم ويشفي كل مرض وتعب عند اي حد وفي لحظة كدة افتكر الولد ده ان يسوع هيخلص بسرعة مع الناس او انه هيشفيهم وبعدين يروح بيته🏠

لكنه لقى الوقت بيعدي 🕑🕒🕓وهو مش حاسس هو وكل الناس اللي حوالين يسوع وابتدى الليل🌒🌚 يدخل عليهم وجه التلاميذ في الوقت ده طلبوا من يسوع انه يوقف الكلام مع الناس ويمشيهم🚶🏼🚶🏼 علشان يشوفوا الطريق ويروحوا ياكلوا لان التلاميذ مكنش معاهم اكل يقدموه للناس كلها فلما شاف👀 يسوع الوضع ده اتحنن على الناس🙏🏼 اللي هما كانوا 5 الاف رجل👨🏼 غير النساء👩🏼 والاطفال👶🏼 وطلب من التلاميذ انهم يقدموا اكل للجموع كلها فردوا وقالولوا انهم معندهمش غير 5 خبزات 🥖🥖🥖🥖🥖وسمكتين 🐟🐟اللي كان جايبهم الولد الصغير👦🏼 معاه وقدمهم ليسوع وهو مبسوط وفرحان😊😀

فاخدهم منه يسوع وطلب من التلاميذ ان يقسموا الناس مجموعات👨‍👨‍👧‍👦👨‍👨‍👧‍👦 في كل مجموعة 50 فرد علشان يبقوا منظمين وميزقوش بعض ويوصل الاكل للناس كلها بسهولة

وبدأ يسوع يصلي 🙏🏼زي ما احنا كمان بنصلي دايما قبل ما نعمل اي حاجة علشان ربنا يبارك 🙏🏼

وقام التلاميذ وزعوا للمجموعات الاكل وكل الناس اكلت وشبعت وكمان اتبقى 12 قفة مليانة من الكسر🍱

◀️ عشان كدة يا أولاد لازم نكون منظمين فى
🌹حياتنا الروحية
يعنى تكون فى مواعيد محددة للصلاة وقراءة الأنجيل يومياً ، ومواعيد للذهاب للكنيسة والتناول ......
🌹حياتنا الأجتماعية
تكون فى مواعيد للمذاكرة والراحة - ترتيب غرفة النوم - ترتيب الكتب - وضع الملابس والأحذية فى أماكنها .......
🌷النظام فى حياتنا الروحية هيوصلنا للملكوت ونكون مع بابا يسوع ، والنظام فى حياتنا العادية هيوصلنا للنجاح فى كل امورنا ، عشان كدة لازم نكون منظمين زى بابا يسوع لأنه إله نظام وليس إله تشويش زى الأية لما بتقول .
ربنا يبارك حياتكم ويفرحكم بأولادكم .