السيد المسيح مع تلميذي عمواس

درسنا الاسبوع ده عن لقاء السيد المسيح مع تلميذي عمواس

🌹الهدف:
1- أن يعرف الطفل أن القيامة هي دليل الإيمان الحي (طوبي للذين آمنوا و لم يروا).
2- أن يشعر الطفل بعظمة حقيقة القيامة و قوتها.
3- أن يتدرب الطفل علي الثقة في الوعود الالهية.

🌹الآية: " لماذا تطلبن الحي بين الأموات؟ ليس هو ههنا لكنه قام " لوقا اصحاح 24 اية 5-6
🔸مرجع الدرس : لو 24 : 13 - 35 آية الحفظ : " لماذا تطلبن الحي بين الأموات ؟ ليس هو ههنا لكنه قام " لو 24 : 5-6
🔹الدرس: بعد صلب الرب يسوع وموته كان كليوباس 🚶وصديقه 🚶🏿ماشين رايحين لقرية عمواس وكانوا متضايقين وبيتكلموا عن الأحداث اللي حصلت الأيام اللي فاتت وفجأة جه راجل غريب
قالهم الراجل الغريب 👳🏻:أنتم ليه زعلانين كده😟😟؟
اجاب الصديق🚶🏿: هو انت غريب عن أورشليم 🤔 مسمعتش عن اللي حصل ؟
رد الراجل الغريب : وايه اللي حصل ؟
اجاب كليوباس 🚶: احنا كان لينا صديق اسمه يسوع وكان إنسان كويس يقضي كل وقته يساعد الناس 👬 ويشفي المرضى🤒🤕 ويقوم الأموات .. لكن رؤساء وحكام اليهود كانوا غيرانين منه واسلموه للموت وصلبوه ✝ وفِي فجر الْيَوْمَ التالت لصلبه أتت بعض النسوه من عند القبر وقالوا انهم رأوْا ملاك 👼 وقالهم ان يسوع حي 🤔
وأضاف الصديق 🚶🏿ان اتنين من التلاميذ راحوا القبر ووجدوه فارغ ومشفوش ملاك 👼 فإحنا محتارين نصدق مين ؟؟🤔🤔
وأضاف كليوباس 🚶: احنا كنّا نتمني ان يسوع يكون هو المخلص اللي وعد الله انه هيرسله
سألهم الغريب 👳🏻: أنتم مش فاكرين الأنبياء قالوا ايه ؟ قالوا ان لازم كل دا هيحصل وان ابن الله هيصلب ويقتل وفِي الْيَوْمَ التالت يقوم من الأموات ..
كل دا حصل ليسوع ودا يثبت انه هو ابن الله اللي وعد ان يرسله في الوقت دا
وصل التلاته لبيت🏡 كليوباس وصديقه
فقالوا للراجل الغريب 👳🏻: الوقت أتأخر 🌃🕰 تعالى عندنا علشان تأكل معانا 🍞 ولما اعدوا العشاء أخذ الغريب الخبز وكسره وشكر وبارك الطعام 🙏
فجأة انفتحت عيون كليوباس وصديقه 😳😳 وعرفوا ان الغريب دا هو بابا يسوع ولما عرفوه اختفي من وسطيهم ( 31 فَانْفَتَحَتْ أَعْيُنُهُمَا وَعَرَفَاهُ ثُمَّ اخْتَفَى عَنْهُمَا، إنجيل لوقا 31:24) ..
وفرحوا خالص😀😀 وفضلوا يقولوا لبعض دا يسوع دا بالحقيقة قام ... كلام النسوه صح .. يسوع حي ...
وراحوا قالوا لكل التلاميذ على الخبر الحلو دا..
من براهين القيامه: هل المسيح قام حقا من الموت ؟
👈 وجود الأكفان موضوعه ومرتبه .. اذا كان الجسد قد اخذه احد كيف جرده من الأكفان اللاصقة علي الجسد في وجود الحراس💂🏻💂🏻 ..
👈 كان التلاميذ في بداية
الامر خائفين من اليهود ولكنهم تقووا بعد ظهور المسيح القائم من الموت
👈 لن يستفيد التلاميذ شئ ان ادعوا ان المسيح قد قام وهو لم يقم لأنهم واجهوا الموت والاستشهاد من اجل هذه الحقيقة الإيمان بالقيامة : ( احنا ليه مهم نؤمن بالقيامة)
👈ايّام بولس الرسول ظهر قوم ينكرون قيامة الأموات فرد عليهم القديس بولس بأننا نكرز ان المسيح قام من الأموات فإن لم تكن هناك قيامة للأموات سيكون ايماننا باطل ولا يكون المسيح قد قام .. بعد الموت يوجد قيامه وابديه ولهذا قام المسيح منتصرا على الموت ليعطينا حياه ابديه معه
👈من اجل هذا حرص السيد المسيح بعد قيامته ان يؤكد للتلاميذ حقيقة قيامته ( وظل يظهر لهم 40 يوما بعد قيامته ) لان هذه الحقيقة هي الأساس الذي ستنطلق منه الكرازة بالمسيح للعالم كله ..
🌹🌹🌹🌹🌹🌹🌹🌹🌹🌹🌹
💐🙏 إذن إلهي اللي بعبده وفداني هو إله حي ( كسر شوكة الموت أي الموت لم يقوي عليه ) ..
💐🙏 إلهي اللي بعبده حي و فتحلي الفردوس مرة تانية ..
💐🙏 إلهي اللي بعبده حي وموجود معايا دائما .. أخد جسده ودمه يوميا علي المذبح ويديني حياة أبدية .. موجود في بروحه القدوس بيفكرني وبفرحني ويقويني بكلامه .. بيكلمني وباسمع صوته من الكتاب المقدس .. يعني ماشي معايا دايما .. مش بيسيبني لحظة ..🌹🌹🌹🌹🌹🌹🌹🌹🌹🌹🌹🌹
بعد كل النعم العظيمة دي أنا أثق في إلهي وأصدق كل كلامه
🔹تدريب: اشكر ربنا يوميا على نعمة القيامه نخلي عندنا رجاء في الإنتصار بقوة ربنا يسوع علي أي حاجه صعبه (( الموت .. الشيطان .. والخطية )) ..
أثق دايما فى وعود الهي (كلام ربنا) .. وأثق في قيامة الهي من الموت.
قول دايما كل يوم .. المسيح قام .. بالحقيقة قام .. وأنا فرحان وفرحان وفرحان وواثق في إلهي ..