الشهيدة رفقة وأولادها الخمسة

🌹بسم الاب والابن والروح القدس اله واحد امين 🌹
احباؤنا اولياء الامور درسنا النهارده بيتكلم عن
الشهيدة رفقه واولادها الخمسه

🌿الهدف 🌿
+ ان يعرف الطفل سيرة الشهيدة رفقه واولادها
+ان يشعر بمحبة القديسة واولادها للرب يسوع
+ان يتدرب علي الشجاعة مثل ما اظهرته الشهيدة واولادها
🌿الايه 🌿
(لا تخف لانى معك) (أش 41 : 10)
🌷الدرس +
كل سنة وانتوا طيبين يا اولاد بمناسبة بداية السنة القبطية يعني أيه سنة قبطية ؟ هي يا ولاد السنة المصرية القديمة وهي بنحتفل فيها بالشهداء والابرار الذين ضحوا بأنفسهم من اجل الإيمان والاعتراف بالسيد المسيح الهنا الحي والسنة القبطية هي بتتكون من ١٣ شهر وكل شهر ٣٠ يوم ماعدا الشهر الأخير وهو مكمل للسنة القبطية وهو شهر نسيء وهو الشهر الصغير ٥ أو ٦ أيام

لماذا نعيد للشهداء؟
🍁عشان يا اولاد من غيرهم مكنش وصل لنا الإيمان من اجل ثباتهم وشجاعتهم واحتمال الآلام والشهادة من اجل رب المجد
الشهداء هم الذين اتحملوا الالم والعذابات وتمسكوا بإيمانهم بكل شجاعة وكمان تَركوا اهلهم ووزعوا اموالهم وراحوا اعترفوا باسم رب المجد ونالوا إكليل الشهادة
القديسين هم الذين عاشوا حياة القداسة والطهارة والصوم والعبادة

🌼واحنا كمان نتعلم من شهدائنا وقديسنا الشجاعة والإيمان السليم ولا نخاف من اَي شي لان ربنا هيكون معي ويقوينا لأننا صورة ربنا وزي ما ربنا قالنا (لا تخف لانى معك) (أش 41 : 10)
🍁تعالوا نشوف مع بعض قديسه من قديسات الكنيسة؟
وهي القديسة رفقه وأولادها الخمسه ياتري أيه قصتها ؟
🌾كانت القديسة رفقه سيده تقيه طاهره بتحب ربنا من كل قلبها ومش بس كدا لا كمان ربت اولادها على محبة الله وهم ( اغاثون - بطرس - يوحنا -آمون -وامونه ) طبعا القديسة رفقه بعد وفاة زوجها ربت اولادها ال ٥ على محبه الله وكان كل ما يشغل قلبها ان تتمتع هي مع اولادها بالاحضان الأبوية مهما كلفهم الثمن عشان كدا لم تفقد الاسرة سعادتها حتى تحولت هذه الآلام الى فرح جماعي للاسرة وشهادة حيه امام الجماهير الذين تعلموا من خبرة هذه الاسرة القوية الثابتة بمحبة الله وكانت الاسرة بترفع قلوبها الي السماء وسط الآلام عشان كدا يا ولاد ربنا مسبهمش أبدا وأرسل لهم ملاكه عدة مرات لكي يقويهم ويسندهم ويخفف الآلام عنهم عشان كدا كانوا فرحانين وسط الآلام لان الله كان يقويهم على احتمال العذابات ياتري أيه حصل بعد كدا؟
🍁في يوم من الايام ظهر لهم الملاك وقال لهم انهم سينالون إكليل الشهادة وان اجسادهم ستنقل الى محافظة البحيرة فتمتعت الام وأولادها الخمسة برؤية الملائكه والملاك ميخائيل وامتلاوا فرحا وكانوا يترقبوا امتي ينالوا الشهادة وفِي يوم امر الإمبراطور دقلديانوس بهدم الكنائس وحرق الكتب المقدسة واضطهاد المسيحيين
🌴س هل يا اولاد القديسة رفقه وأولادها الخمسة خافوا من الاعتراف بالمسيح ؟
صح برافو عليكم
طبعا لا لانهم كانوا متمسكين بالايه اللى بتقول (لا تخف لانى معك) (أش 41 : 10) ....
جمعت اولادها بكل شجاعة وقوة ومع ان القديسة رفقه كانت تحب اولادها جدا وتخاف عليهم الا انها مخفتش من انهم يموتوا من اجل المسيح وكانت تقويهم وتقول لهم ان احلي حاجة ان الواحد يقدم نفسه من اجل المسيح عشان ربنا يعوّضه أضعاف في السماء
وقفت الام بكل شجاعة مع اولادها تصلي الى الله من اجل ان يرحم الله الكنيسة ويثبت شعبه وهم بيصلوا يا اولاد ظهر لهم الملاك وعرفهم انه سينالون إكليل الشهادة وشجعهم فشعر الجميع بفرح لا مثيل له وامتلأت قلوبهم بالايمان والثبات فقامت الاسرة بتوزيع اموالهم على الفقراء وراحوا الي ديونيسيوس القائد حيث طلب منهم الوالي التبخير للأوثان وترك المسيح فصرخوا جميعا اننا مسيحيون ولا نعبد غير الله رب السماء والأرض طبعا يا اولاد حاول القائد إغرائهم وهددهم بالموت وعذبهم كثيرا وابتدأ بالام وبسبب شجاعتهم وإيمانهم وثباتهم أمن كثيرين بالمسيح ووضعهم الوالي في السجن وأرسلهم الى الاسكندرية عشان في بلدهم الناس بتحبهم وظهر لهم الملاك ميخائيل مرة ثانية وشجعهم وشفى اجسادهم فزاد الوالي في عذابهم وكان الملاك في كل مرة يظهر ويثبتهم ومش بس كده هما كمان كانوا فرحانين ومستعدين تخيلوا ياولاد لو واحد فينا رايح فرح كيف يكون استعداده؟
🍁فما بالكم بالاستعداد للفرح السماوى ؟
وأخيرا نالوا اكليل الشهاده
👑👑👑👑👑👑وامر الوالى بطرح اجسادهم في البحر ثم أعلن الله لرجل مسيحي ثري في رؤيا ان يحفظ الاجساد المقدسة فأعطي الجنود اموالا قبل طرح اجسادهم فى البحر وأخذ الاجساد وحفظها حتى زال الاضطهاد وهذه الاجساد موجودة في كنيسة على اسم الشهيدة رفقه وأولادها الخمسة من مركز سنباط بمحافظة الغربية حتى ناخذ بركتهم واستشهدوا في ٧ توت بركتهم تكون معنا أمين ونتعلم من القديسة رفقه الشجاعة والثبات في الإيمان والاعتراف برب المجد امام الجميع بدون خوف أبدا ونتمسك بالايه اللى بتقول (لا تخف لانى معك) (أش 41 : 10)
🌷ولالهنا المجد الدائم الى الأبد أمين 🌷