الصلاة بالأجبية

🌿درسنا بيتكلم عن ( الصلاة بالاجبية)🌿
التاريخ : 7 كيهك 1739 شهداء
الموافق 16 ديسمبر 2022 م
الهدف :
🌱ان يعرف ترتيب صلوات الاجبية ومدلولاتها
🌱ان يشعر بأهمية الصلاة بالاجبية
🌱ان يتدرب على استخدام الاجبية فى الصلاة
🌷الاية🌷
وكل ماتطلبونه فى الصلاه مؤمنين تنالونه (متي ٢١: ٢٢)
🍁الدرس
النهارده ياولاد علشان نكلم ربنا فى الصلاة كنيستنا القبطية عملت لنا كتاب اسمة الاجبية مأخوذ من كلمة (اجب)ودى كلمة قبطية معناها ساعة ورتبت لنا كل ساعة فيها صلاة
وكمان ياولاد هذه الصلوات بتذكرنا بأحداث حصلت زمان مع بابا يسوع لما كان على الارض وهي بتتكون من 7 صلوات زي ما بنقول في التسبحه
( سبع مرات في النهار سبحتك علي
احكام عدلك) مز ١١٩: ١٦٤

مين فيكم الشاطر عارف اول صلاة فى الاجبية اسمها اية؟ برافو وهي بالفعل
🌿1- صلاة باكر
ودى ياولاد بتذكرنا بقيامة بابا يسوع من الموت وبصليها اول ما اصحي الصبح بدرى الساعه ٦ صباحا
🌿2- صلاة الساعة الثالثة
يعنى الساعة 9 صباحا ودى ياولاد بتذكرنا بمحاكمة بابا يسوع عند بيلاطس وكمان بتذكرنا بحلول الروح القدس على التلاميذ كانت وقت الساعة الثالثة
🌿3 -صلاة الساعة السادسة
ودى الساعة 12ظهراً ودى ياولاد بتذكرنا بصلب بابا يسوع على الصليب وكمان اللص اليمين لما قال لربنا اذكرني يارب متي جئت فى ملكوتك
🌿4 -صلاة الساعة التاسعة
اى الساعه 3 بعد الظهر
ودى بتذكرنا لما ربنا صرخ بصوت عظيم وقال ياابتاه فى يديك استودع روحي ولما قال هذا اسلم الروح
🌿5- صلاة الساعة الحادية عشر (صلاة الغروب)
ودى بتذكرنا بنزول جسد بابا يسوع من على الصليب وبنصليها الساعه 5مساءاً
🌿6- صلاة الساعة الثانيةعشر صلاة (النوم) وبنصليها الساعه 6 مساءاً
ودى بتذكرنا ياولاد ان بابا يسوع فى القبر وان ربنا يرسل لنا ملاك السلامة ليحرسنا ونحن نيام
🌿7- صلاة نصف الليل
ودى ياولاد اخر صلوات الاجبية (قوموا يابني النور لنسبح رب القوات ) وتفكرنا بالمجئ الثاني
🙏🙏تعالو ياولاد مع بعض نشوف هنصلى ازاى بالاحبية
🌷 اول حاجة نقول ابانا الذى وبعدها 🙏فلنشكر صانع الخيرات وبعدها 🙏نصلي المزمور الخمسون وبعدها )🙏(مزامير صلاة الساعة المناسبة والانجيل والقطع)وبعد ذلك 🙏قدوس الله ..🙏والسلام لكي نسألك ايتها الممتلئة نعمة 🙏ونعظمك يا ام النور وبعدها 🙏قانون الايمان وبعدها كيرياليسون وبعدها نقول🙏 قدوس قدوس قدوس والتحليل ثم 🙏ارحمنا يالله ثم ارحمنا

🌹أية الدرس🌹
*وكل ماتطلبونه فى الصلاة مؤمنين تنالونه
( متي ٢١: ٢٢)*

معناها أنه يكون عندنا ثقه وإيمان أن أي طلب هطلبه من ربنا في الصلاه هيبقي واثق أنه سيستجيب
🌷تدريب🌷
ان ننتظم بالصلاه بالاجبيه باكر والنوم فى البيت ونضع علامة صليب فى النونة الروحية اللى فى كراستنا
🙏ولالهنا المجد الدائم الى الابد امين 🙏