القديس استفانوس اول الشهداء

بسم الاب والابن والروح القدس اله واحد امين
🌹 الدرس🌹
القديس استفانوس اول الشهداء
🔸قصه القديس استفانوس🔸
التاريخ🗓
١٩ مارس ٢٠٢١م
١٠ برمهات ١٧٣٧ش
🌹آية الدرس:🌹
➕ها أنا أنظر السماوات مفتوحة وابن الأنسان قائما عن يمين الله (أع ٥٦:٧)➕
هدف الدرس🌹
📍ان يعرف الطفل :
قصة القديس استفانوس.
📍ان يشعر :
ان مكانه الطبيعي فى السماء فلا يهتم كثيرا بما على الأرض .
📍ان يتدرب على :
أن لا يغضب مما يحدث له فى الأرض ولكن يصلى اذا وقع فى مشكلة .

🌺 ازيكم يا حبايبي الحلوين النهارده بنعمه ربنا هنتكلم عن قديس عظيم وقصته حلوه أوي وشيقه جداً🌺
👀 مين يعرف مين هو أول الشمامسه وأول الشهداء ؟!! .... برافو عليكم⁉️
القديس استفانوس كان اول الشمامسه اللى إختاروهم الرسل الاطهار للخدمه ....عايزين نعرف ازاي؟!!!
كان القديس استفانوس بيحب يسمع لتلاميذ بابا يسوع كويس اوى ويرجع يحكى لاسرته واصدقاءه بكل التعاليم الحلوه دى ويطبقها فى حياته اليوميه ودايماً مواظب على الصلاه 🙏
وفى يوم لما التلاميذ عرفوا ان فى ناس كتيره أوي محتاجه للخدمه منهم الارامل والمحتاجين 👩‍👩‍👧👩‍👧👨‍👧، التلاميذ فكروا 🤔 انهم يختاروا ناس حلوه اوى ويرسموهم شمامسه وكان القديس العظيم استفانوس أول واحد يختاروه لانه كان مملوء نعمه وحكمه ودايما مشغول بالخدمه ، ومش بس كده لا ده كان قلبه مليان بالوعظ وكان نفسه يكلم كل الناس عن بابا يسوع وفعلاً لما بدأ يوعظ ناس كتير آمنت بالرب يسوع وكانوا فرحانين اوى 😊😊
👀 لكن فى ناس تانيه وهم رؤساء الكهنه بدأوا يتغاظوا منه جداً لان فى ناس كتير آمنت بالرب يسوع بسبب تعليمه ففضلوا كل يوم يتجمعوا مع بعض 💂🏻‍♂🕵🏼‍♀💂🏼‍♀ علشان يفكروا هيعملوا إيه فى القديس استفانوس علشان يمنعوه من تعاليم بابا يسوع
🌄وفى يوم اخذوه للمجمع اليهودى 🏛وبدأوا يحاكموه لكنه بدأ يفسر ويشرح لهم من الكتاب المقدس 📜📓📔وكل نبوات الانبياء عن بابا يسوع بكل نعمه وحكمه ومحدش قدر يتناقش معاه لان كان كلامه كله من السما 🌠، فلما اغتاظوا منه قرروا يرجموه بالاحجار 🥔🥔 فركع وفضل يصلي وانفتحت السماء وشاف منظر نورانى مهيب 🎇🌠🎆 شاف بابا يسوع جالس على عرش عظيم جدا وحوله ملايكه وقديسين👼🏻👼
لكن رؤساء الكهنه قلوبهم كانت غليظة 🙈ماشفتش حاجه ، والقديس استفانوس بكل الحب صلى لهم علشان ربنا يغفر لهم خطاياهم ، وبعد كده فاضت روحه الطاهره للسما ونال اكليل الشهاده 👑👑
لكننا مازلنا بنتعلم وهنتعلم من قصة حياته حاجات حلوه اوى ومنها:-
🌺 المواظبه على حضور القداسات والصلوات
🌺 القراءه فى الكتاب المقدس مع بابا وماما وتفسيره
🌺 لازم مانهتمش بالامور الارضيه لان مكانا الطبيعى فوق مع القديسين والملايكه حول عرش الله
🌺 لازم نصلى ونغفر للمسيئين الينا،
وحتى الضيقات والمشاكل والامراض لازم نصلي ونرفع قلبنا لربنا وربنا وحده قادر أن يحلها.
الله يعطينا ان نكون سامعين عاملين لمجد اسمه القدوس امين.