الله أعطاني جسدي لأحافظ عليه

درسنا النهاردة عن:
👲 الله أعطاني جسدي لأحافظ عليه 👰

🌹محور الدرس 🌹
الله يحبني فأعطاني جسدي أحافظ عليه
🌹هدف الدرس🌹
مساعدة الطفل ان
📍يعرف الطفل ان يقيم حدود لنفسه ويحدد لنفسه فيها ملكية خاصة له لا يسمح لأحد أن يتعدى عليها ..
📍*يشعر * بكمال المسئولية عن اختياراته وأعماله ..
📍يتدرب ان يقول " *لا *" في الوقت المناسب فهذا ليس خطا وأن يحترم حدود الآخرين ولا يتسلط على الاخر ..

🌹الآيه 🌹 فوق كل تحفظ احفظ قلبك لان منه مخارج الحياة ( أمثال ٢٣:٤ ) ..

🌺 درسنا النهارده ياولاد بيتكلم عن كيف أكون مسئول عن نفسي وعن جميع تصرفاتي ولى حدود خاصة بي من واقع خطة عملها ربنا فى حياتي وهي ان ربنا خلقنا على صورته ومثاله وروح ربنا أخذناه وحل فينا لما اخذنا سر الميرون المقدس يعنى ياولاد كل حواسنا وجسدنا اعضاء مقدسه
🍁 يعنى حدودنا وملكيتنا الخاصة لا أسمح ان يخترقها احد
🍁 وده فعلا ياولاد حصل مع يوسف لما كان فى مصر فى بيت فوطيفار وزوجة فوطيفار كانت عايزه تلمس جسده لكن هو منعها وصرخ فى وجهها وجري منها فعلا يوسف هنا يااولاد حفظ قلبه مقدس لربنا كما علمه والده يعقوب يكون أمينا فى كل شئ
🍁 فعلا فوق كل تحفظ احفظ قلبك لان منه مخارج الحياه أم 4 : 23
🍁خلينا ياولاد كلنا مثل يوسف يمتلك ارادة قوية تقول لا لأي شئ يخترق حدود ملكيتنا الخاصة وهى جسدنا
🍁هناخد مع بعض مواقف ممكن ناس تانى مش فاهمة يعنى اية ملكية خاصة حاجة ملكي لوحدي ياتري زي ايه يا حبايبي 🤔🤔
برافوا عليكم زي جسدي طبعا عايزين نفهم ان جسدنا عطيه حلوه اوى من ربنا واعطاها لكل واحد فينا سواء كانت بنت أو ولد👫 مثلاً
🌹واحد طلب مني اطلع الأسانسير معاه لاقدم له خدمة وانا لا اعرفه
هنا هاقول لا ارفض ومطلعش
🌹كمان لو اي شخص قال لي تعالي معي وانا إديلك هدية جميله من غير ماما وبابا ميعرفوش اقول لا 😠
🌹 كمان لو حد دخل معايا الحمام اقول لا 😠
🌹كمان لما أغير ملابسي لازم يكون عندي خصوصية ومحدش يشوفني

🌹جسدي محدش يلمسه علشان احافظ علي حدودي وملكيتي الخاصة📦
عشان كده أتمثل بيوسف وارفض وأقول بأعلى صوتي 😲 لا واحافظ على جسدي
🌹 نتعلم يا اولاد ان لما أتكلم مع اي شخص يكون بيني وبينه مسافة ولو شفت اي حاجة غلط اعلي صوتي 😲
وأقول لا وأروح 🏃🏃 بسرعة أقول لماما 💁 وبابا👤او عمو او تاسوني فى مدارس الاحد عشان يتصرفوا
🙏ياريت كلنا من اليوم لو حسيت فى أنه فيه احد بيتعدى علي حدودى الخاصة علطول ياولاد نجرى ونقول لبابا او ماما

🌹 فوق كل تحفظ احفظ قلبك لان منه مخارج الحياه 🌹 ام 4 : 23
تفسير الأيه أنه ربنا عايز يقولنا إننا لو حفظنا قلبنا من الأفكار الشريرة ومليناه بكل محبه وأفكار نقيه حلوة هتبقى كل تصرفاتنا وأعمالنا صح وحلوة لأن كل الأعمال والتصرفات بتبقى نابعة من القلب
طيب ازاى نحفظ قلبنا ..القلب مصدر المشاعر والاشتياقات ..وقد يميل للحديث مع الله او إلى اللذات العالمية.
فهو اما أن يحرك الانسان فى طريق الحياه مع الله او ان يبعده عنها فكيف يتنقى القلب ونحفظه من اعدائنا الشياطين؟؟
👈 تنميه المحبه لربنا بالصلوات والتسبيح
👈الامتلاء بالافكار الجيده من قراءه الكتاب المقدس والكتب الروحيه
👈 نشكر ربنا دايما
👈 تنقيه القلب من كل فكر غير صالح بالتوبه والاعتراف
ربنا يحافظ عليكم ويجعل قلوبكم دائما متجهه نحو الله

تدريب
✋ان كل واحد فينا يقول 🙌🏿 " لا " في الوقت المناسب فهذا ليس خطأ
✋ أن نحترم حدود 📦 الآخرين كما نحب ان يحترم الآخرين حدودنا
🌹🌹🌹
رساله لبابا وماما
نشجع اولادنا وبناتنا ان يتكلموا وان لا نستهن بكلامهم
ولالهنا المجد الدائم والى الابد امين🌹