المسيحي والأسرة-تكريم الأم

بسم الاب والابن والروح القدس اله واحد امين
🌹 الدرس🌹
🌹المسيحي والاسرة🌹
❤تكريم الأم❤

🌹آية الدرس:🌹
🌹🌹 لانحب بالكلام ولا باللسان بل بالعمل والحق ( ١يو ١٨:٣)
هدف الدرس🌹
👈📍ان يعرف الطفل :
مقومات السلوك المسيحي في الاسرة
👈📍ان يشعر :
بمحبة جميع افراد الاسرة .
👈📍ان يتدرب على :
تكريم الام وتقدير دورها ومساعدتها.

🌺 ازيكم ياحبايبي الحلوين النهارده بنعمه ربنا هنتكلم عن بابا وماما 🌺
حد يعرف يوم ٢١مارس من كل سنه بنحتفل بعيد ايه؟
برافووووووو عليكم 👏 👏👏
❤🌹 *عيد الام* 🌹❤
النهاردة ياحبايبي هنقول علي قصة حلوة اوي
في مرة من المرات كان في اسرة جميلة 👨‍👨‍👧‍👦مكونة من بابا وماما وجدو وتيتة والاخوات الصغيرين بيحبو بعض اوي بس في حاجة غريبه حصلت جدو كان راجل كبير وعجوز👴🏼 وكان كل لما ياكل في طبق 🍽يقع منه غصب عنه ويتكسر راح بابا قرر يعمله طبق خشب علشان بعد كده مايتكسرش منه ومين شاف كده الابن الصغير فقال لباباه 👱🏻‍♂خلي الطبق الخشب دا يابابا علشان انت لما تكبر هخليك تاكل فيه لانك هتبقي عجوز زي جدو وتكسر الاطباق
فبابا فكر 🤔 في كلام ابنه واتأثر وقال انا لازم اخلي بالي من معاملتي لبابا وماما (جدو وتيته) ومينفعش اعاملهم وحش لان كمان بابا يسوع قال وصية اكرم اباك وامك 👱🏻‍♀👨🏻‍🦰لكي تطول ايامك علي الارض (خر12:20)
ودي اول وصية مقترنة (معاها) مكافأة والعكس صحيح يعني اللي مش هيكرم بابا وماما هيحصل عكس البركة دي
+ وبابا يسوع نفسه كان بيحب امه العذراء مريم وكان بيشتغل نجار قبل خدمته علشان يعولها
+ وكمان علي الصليب ✝هو لم ينسي امه وقال لتلميذه يوحنا ' هوذا امك '
🤔 ازاي ياحبايبي نكرم بابا وماما⁉️
1⃣ *النجاح*
لما نكون ناجحين في حياتنا بابا وماما هيفرحوا خالص وهيكونوا فخورين بينا😊😊
✍حنة فرحت بابنها صموئيل
✍يوسف الناجح كان سبب فرح ابيه
✍ واكثر من الكل مريم العذراء فرحت بابنها يسوع الذي كان يتقدم في الحكمة والقامة والنعمة عند الله والناس فقد اكرمها السيد المسيح بسبب حياته المثالية
وعلي العكس الابناء الضالون والفاشلون كانو سبب حزن ومرارة لوالديهم

2⃣ *العرفان بالجميل*
اننا لازم نفتكر تعب ماما في تربيتنا وسهرها لما بنكون تعبانين وكمان مساعدتها لينا في كل حياتنا علشان نبقي حلوين

3⃣ *الاعالة*
اننا لازم نعتني ببابا وماما ونعولهم وخصوصا في وقت شيخوختهم

4⃣ *المحبة والاحترام*
لازم نحب بابا وماما ونحترمهم ومنعليش صوتنا عليهم .

5⃣ *الطاعة والخضوع*
نسمع كلام ماما وبابا لانهم اكتر ناس بيخافوا علينا وبيحبونا و كمان لازم نلبي طلباتهم حتي قبل مايطلبوا و زي ما بيقولنا القديس بولس
أيها الأولاد اطيعوا والديكم في الرب لأن هذا حق (اف١:٦)

🌹🌹 *اية الدرس*
لانحب بالكلام ولا باللسان بل بالعمل والحق ( ١يو ١٨:٣)

معني الايه إن احنا لازم نظهر لبابا وماما حبنا ليهم وتقديرنا لكل حاجه هما بيعملوها من أجلنا وده طبعاً مش بمجرد كلمة بحبك يا ماما او بحبك يا بابا لكن لازم بيبقي عن طريق الحاجات دي
🔹نصلي لبابا وماما ان ربنا يكون معاهم
🔹نساعد ماما في توضيب البيت وخصوصاً
في توضيب سريرنا 🛏
🔹دائماً نحاول نفرح بابا وماما بنجاحنا وبسلوكنا الجميل

🙏🌹🙏ولالهنا المجد الدائم الى الابد امين 🙏🌹🙏