المعلم إبراهيم الجوهري ورد الإساءة

بسم الأب والإبن والروح القدس إله واحد آمين
🌹احباؤنا اولياء الامور🌹
درسنا الاسبوع ده عن
👳‍♀ (المعلم ابراهيم الجوهري )👳‍♀
🍁الهدف
+ان يعرف الطفل كيف يكسب غيره باللطف
+ان يشعر الطفل بأهمية كسب الغير والمصالحة معه
+ان يتدرب على صنع السلام مع من يتعامل معه
🍁الاية🍁
ان جاع عدوك فأطعمه وان عطش فإسقيه
(روميه 12 : 20 )
🌹الدرس🌹
اتولد المعلم ابراهيم الجوهري 👳‍♀ في بلده اسمها قليوب بالقرب من القاهره واتعلم الكتابه والقراءة وكان بينسخ الكتب📖 الدينية ويقدمها للبابا يؤانس ال18 البطريرك ال107
وكان المعلم ابراهيم الجوهري 👳‍♀ بيحب شغله خالص لدرجة انه كان بيصرف 💵 من مرتبه علشان ينسخ اكبر عدد من الكتب📚 وبمرور الوقت كان بيترقى في شغله لغاية ماوصل لمنصب رئيس كتاب القطر المصري ودي وظيفه مهمه جدا وكبيره جدا زي رئيس وزراء دلوقتى
وبالرغم من منصبه الكبير لكن كان راجل وديع جدا ومتواضع وسخي في العطاء وكانت الناس كلها بتحبه
المعلم ابراهيم الجوهري كان عنده ولد اسمه يوسف🧑وبنت اسمها دميانة👧كان المعلم ابراهيم بيجهز بيت 🏡لابنه عشان يتجوز فيه لكن ربنا اختاره يكون عنده.
[ ] حزن😞 المعلم ابراهيم هو ومراته على وفاه ابنهم وكانت نفسيتهم حزينه جدا لكن حولوا حزنهم لحب كبير💖فى مساعدة الارامل والايتام وتعزية كل نفس حزينة. وظهر في يوم الانبا انطونيوس وعزاه في ابنه وكمان ظهر لمراته فى نفس الليلة وكانت تعزية من السما حلوه خالص
ابراهيم الجوهري👳‍♀ كان ليه اخ اسمه جرجس👳‍♂ وجرجس ده كان فيه ناس بتضايقه بكلام وحش وبيهينوه وهو طبعا اتضايق خالص وقال انا لازم اقول لأخويا ابراهيم علشان يتصرف معاهم ده ممكن يحبسهم
وفعلا جرجس قال ﻻخوه فرد عليه وقاله ماتخفش انا هاخليهم يتغيروا
المهم تاني يوم وجرجس معدي قدام الناس دول لقاهم بيعاملوه حلو خالص من غير مايضايقوه بأي كلمه
فأستغرب جدا جرجس من اللى حصل وراح بسرعه ﻷخوه علشان يعرف عملهم ايه
فقال له ابراهيم الجوهري احنا بدل مانخسرهم ونرد الاساءه بالاساءه انا رديت عليهم بلطف وبعتلهم مع الخدم شويه عطايا وهدايا وبكده احنا نكسبهم ونرد الاساءة باللطف ونعيش في سلام ومحبه ونكون متصالحين وانت شفت رد فعلهم انهارده ايه بعد ماشافوك ... اتقطع لسان الشر
وفعلا اقتنع جرجس بكلام اخوه ابراهيم اننا المفروض نتعامل بمحبه ولطف ونعيش كلنا في سلام و هدوء
🍀تدريب:عايزين احنا كمان نكون لطفاء مع بعض وعدم رد الاساءه ونرد بلطف واحترام.
وملك السلام يعطينا السلام امين