الملاك الحارس

🌹 احباؤنا اولياء الامور درسنا بنعمة ربنا عن صفات الملائكة وعملهم الملاك الحارس 🌹

✝️ محور الدرس : الملائكة تعتني بنا
✝️ هدف الدرس : مساعدة الطفل ان :
1️⃣ يعرف أن الله يحبنا ويوصي ملائكته
لتحافظ علينا
2️⃣ يشعر بالسعادة ولا يخاف من شئ
لأن ملاكه الحارس معنا
3️⃣ يتدرب أن يطلب صلوات الملاك
الحارس

💠 الاية
*لأَنَّهُ يُوصِي مَلاَئِكَتَهُ بِكَ لِكَيْ يَحْفَظُوكَ فِي كُلِّ طُرُقِكَ.
عَلَى الأَيْدِي يَحْمِلُونَكَ لِئَلاَّ تَصْدِمَ بِحَجَرٍ رِجْلَكَ* ( مز ٩١ : ١١-١٢ )

☘️ الدرس☘️
النهاردة هنحكى حكاية جميلة كلنا عارفين مين هو الملاك الحارس👼🧚‍♀️


👼أنجيلوس👼
كلمة قبطية معناها ملاك

👼الملائكة👼
لا تنام ولا تموت ولا تمرض ولا يتزوجون لأنهم كائنات روحية.

👼الملاك الحارس👼
ربنا بيبعته لنا علشان يكون معنا ويفضل معنا طول اليوم.

👼الملاك الحارس👼
الملاك يحبنا لأنه مرسل من السموات والملاك بيشوف وجه ربنا باستمرار لان وظيفته التسبيح والترتيل وهو واقف أمام عرش ربنا وكمان بيتشفع لنا أمام عرش النعمة ، وفي نفس الوقت بيكونوا معنا يعني في خدمة الإنسان.

👼الملاك الحارس👼
الملاك عنده صفات حلوة زي الحب والطاعة علشان لما تطلبه بياخذ طلباتنا ويتشفع لنا أمام ربنا يسوع المسيح له المجد ، وبيحمينا وينجينا من كل شر ، وكمان الملاك بيمشي معنا نثق به أنه هيحمينا من كل شر ويرشدنا للطريق المستقيم.

👼الملاك الحارس👼
هو الصديق الذي لا نراه بيعمل بدون محس بيه ، بيحرسنا من اَي شر و بيحمل طلباتنا ويوصلها عند ربنا ويأخذ أعمالنا الحلوة المقدسة وكل طلباتنا ويوصلها لربنا وكمان بيشاركنا أفراحنا وأحزاننا ويحمينا من الألم الجسدي والروحي.
بيفرح بتصرفاتنا الحلوه وبيزعل لما يشوف تصرفات غلط

هنشوف هنا يا أولاد حراسة الملاك لنا في هذه الآية
*لأَنَّهُ يُوصِي مَلاَئِكَتَهُ بِكَ لِكَيْ يَحْفَظُوكَ فِي كُلِّ طُرُقِكَ.
عَلَى الأَيْدِي يَحْمِلُونَكَ لِئَلاَّ تَصْدِمَ بِحَجَرٍ رِجْلَكَ* ( مز ٩١ : ١١-١٢ )


الله يعطينا ان نكون سامعين عاملين لمجد اسمه القدوس ولالهنا كل مجد وكرامة الى الابد امين