بولس فى سجن فيلبي

درسنا بيتكلم عن (بولس الرسول فى سجن فيلبي)
🌿الهدف:
🌾ان يعرف الولد قصة بولس وسيلا فى سجن فيلبي
🌾ان يشعر بأن القوة ليست قوة الجسد بل قوة الروح والاخلاق والايمان
🌾ان يتدرب على كيفية التعامل مع الضعف والغضب
الاية:حينما انا ضعيف فحينئذ انا قوي 2كو 10:12
🌿🌾الدرس🌾🌿
س ايه رايكم ياولاد لو واحد ضايقنى بالكلام ماذا افعل معه؟
هل ارد عليه بنفس الاسلوب؟
🙏تعالوا مع بعض نشوف اجابة الاسئلة دى مع بولس وسيلا
مرة من المرات كان بولس وسيلا يبشران فى مدينة فيلبي🏝 وكان المكان مزدحم وقالا لبعضهما تعالوا نخرج خارج المدينة عند النهر علشان نجد مكان نصلي فيه🙏 ولاحظوا وهما وماشيين بنت 👩من احدى الجوارى ماشيه وراهم والبنت دى ياولاد كان عليها روح شرير واسيادها اللى مشغلينها عندهم كانوا بيكسبوا من وراها لان الروح الشرير كان بيتنبأ للناس
🌾وفعلا البنت قالت لهم.... الناس دول هم عبيد الله العلي وهم جايين علشان يقولوا لكم على طريق الخلاص
لاحظ بولس هذه البنت وقال لها تعالي هنا وقال ياروح يا شرير باسم يسوع المسيح بأمرك إنك تخرج منها. وبولس نفذ الآيه
"حينما انا ضعيف فحينئذ انا قوي 2كو 12: 10"
البنت ياولاد بكل هدوء🤷‍♀ قالت ايه ده؟ انا حاسة اني مختلفه قوي .. انا بقيت كويسة
وبعدين ياولاد اسياد هذه البنت قالوا لها
س ايه اللى حصل معاكي؟ولية مبقتيش تتنبأى زي الاول؟
قالت لهم الرجالة دول شفوني من الروح الشرير ومبقاش يتحكم في تاني شكرا لربنا 🙏
غضبوا جدا ياولاد واخذوا بولس وسيلا للمحاكمة وقالوا عليهم قدام الحكام انهم بيعملوا قلق فى بلدنا وبينادوا بحاجات مخالفة للقانون الروماني
وفعلا ياولاد حكموا عليهم بالضرب ورموهم فى السجن ولكن هناك فضلوا يصلوا لربنا لانهم واثقين انه معاهم وبيسمع صلواتهم (ايمان قوي)
🌾حينما انا ضعيف فحينئذ انا قوي🌾
🌾وفى نصف الليل حدث زلزال كبيير وابواب السجن اتفتحت وجاء السجان وظن ان المساجين هربوا وقال انا لازم اقتل نفسى بالسيف بدل مايقتلني الحاكم لكن وجد صوت من الداخل وكان صوت بولس وقال له لا تفعل بنفسك اي اذية نحن موجودين وفعلا شاف قوه الله فى بولس وسيلا وآمن هو واهل بيته وفى هذا اليوم اضطر الحكام للافراج عن بولس وسيلا من السجن ولكن بولس قال احنا لم نعمل شئ لنسجن عنه لازم الحكام هما يفرجوا علينا قدام الشعب وفعلا عملوا كده واعتذروا لهم فعلا الاية اللى بتقول
🌹حينما انا ضعيف فحينئذ انا قوي 2كو 12: 10 🌹
س هل ياولاد القوى طلع قوى ؟وهل الضعيف طلع ضعيف ؟
كان فى الاول باين على بولس وسيلا الاضعف لكن فى الاخر هما صاروا اقوياء لذلك نرى
🍁بكلمة من بولس خرج الروح الشرير
🍁وبصلاة من بولس وسيلا حصل زلزال قوي وانفتحت كل ابواب السجن
🌾يبقى ياولاد القوة فى ربنا يسوع اللى ساكن جوانا مثال ياولاد
🌾لمّا اسامح ياولاد انا هنا مش ضعيف بل انا قوي
🌾لمّا أقول كلمة آسف مش ضعف انا قوي
🌾لمّا اشوف اصحابي فى المدرسة بيشتموا وبيكذبوا وانا لا
اعمل زيهم علشان افرح قلب ربنا مش هشتم ولا اكذب مثلهم هنا هيبان علي انا ضعيف لكن فى الحقيقة انا كدة قوي جداً
فعلا زى مابتقول الاية
🌷🌷حينما انا ضعيف فحينئذ انا قوى ( 2 كو 12: 10)
🌿تدريب🌿
نتفق مع بعض ياولاد كل حد يزعلني احاول ارد عليه بطريقة مهذبة ونقوله انت غضبان الان ولما تهدا تعالى ونتكلم
🙏ولالهنا المجد الدائم والى الابد امين🙏