ثمار الروح القدس في الكنيسة الأولى

🌷+ بسم الاب والابن والروح القدس إله
واحد أمين +
🌹 أحبائنا أولياء الأمور 🌹
✝️ اسم الدرس
*ثمار الروح القدس فى الكنيسة الأولى *

💠 محور الدرس
الروح القدس يعمل فينا

🌹 الهدف من الدرس
📍أن يعرف الطفل عمل الروح القدس فى الكنيسة الأولى
📍أن يشعر بعمل الروح القدس فى حياته
📍أن يتدرب على الخضوع لسلطان الروح القدس .

🌸 أية الدرس
وأما ثمر الروح فهو محبة فرح سلام طول أناة لطف صلاح إيمان وداعة
تعفف . (غلاطية 5 : 23 - 22 )

🌐 التمهيد
أعزائى متابعى برنامج ( اكسب ثمرة ) 📺 على قناة الشباب المسيحى فى كل مكان
سلام المسيح معكم والرب يبارك حياتكم ويحفظكم فى الإيمان المستقيم إلى أنتهاء الدهر أمين
بنتكلم النهاردة عن موضوع يهم ناس كثيرة منا وهو 👇👇
( الروح القدس العامل فى الكنيسة الأولى )
وعلشان نعرف أهمية الموضوع تعالوا نجاوب على بعض الأسئلة اللى ممكن تساعدنا مع بعض ..
س/ يا ترى لما نحب نعرف طول شئ معين أو طول شخص ايه هى وحدة القياس ؟
سم أو متر أو كم 🦯
س/ ولما نحب نعرف الوزن نستخدم اى وحدة قياس ؟
ج/ الجرام / الكجم / الطن ⚖️
س/ طيب ايه وحدة قياس الزلازل ؟
ج/ الريختر 🌡️
س/ طيب يا حبايبى لما نحب نقيس علاقتنا بربنا نقيسها بأيه ؟
بمعنى تانى لما نقرأ فى الكتاب المقدس 📖 عن اى شخصية نقدر نعرف علاقته بربنا ازاى ؟
ج/ المقياس هنا هو ثمار الروح القدس يعنى يا ولاد نشوف أبونا إبراهيم ابو الاباء 🧔🏻 هنلاقى إيمان واضح جدا ولما نتابع حياة يوسف الصديق 🧑🏻‍🦰 نلاقى تعفف ولما نسمع مزامير المرنم داود 🤴🏻 نلاقى فرح عجيب ولما نمشى مع القديس بولس 👱‍♂️
فى رحلاته نلاقى سلام ..

🌷 فالنهاردة هنشوف 👀 ثمار الروح القدس فى الكنيسة الأولى.

☘️ الدرس ☘️
علشان نشوف عمل الروح القدس فى الكنيسة الأولى ⛪ لازم نرجع لسفر أعمال الرسل اللى بتظهر فيه صفات الكنيسة الأولى وهو يشمل أعمال التلاميذ والرسل من وعظات وتبشير ومعجزات ومشاكل .
ومن أهم صفات كنيسة الرسل إنها كنيسة مملوءة من الروح القدس اللى هو القائد الخفى لجماعة المؤمنين وده كان سر نجاح خدمة التبشير وقوة وصلابة الكنيسة الأولى ويظهر ثمار الروح القدس من المواقف التالية :-

1 - التكلم بألسنة 👅👅👅
يعنى شوية تلاميذ اغلبهم صيادين 🎣 فجأة يتكلموا بلغات العالم فى الوقت ده يكون ايه ؟ يبقى ده نتيجة فورية للأمتلاء من الروح القدس فيهم وذلك لتصل رسالة المسيحية 📜 لكل الناس فى كل مكان .

2 - العمل فى قلوب الناس للتوبة
❤️💚💙💜
ودى نشوفها فى عظة القديس 🧔🏻 بطرس الرسول ( أع 2 : 4 ) اللى اتكلم فيها عن قيامة الرب يسوع وبعدها تم إيمان نحو ثلاثة ألاف نفس 👥 بعد أن نخسوا فى قلوبهم 🤍🤍 ( أع 2 : 37 ) يبقى ده هو عمل الروح القدس فيهم لينضموا إلى الكنيسة .

3 - إجراء المعجزات والعجائب 💥💥
ولأن الروح القدس يعمل فى الرسل فكانت الناس بتشوف أعمال عظيمة زى ظل القديس بطرس 👤 كان يشفى الأمراض والقماش 🧣 اللى كان يلبسه القديس بولس يخرج الأرواح الشريرة 😡 وكانت عجائب وأيات كثيرة تجرى على أيدى الرسل
( أع 2 : 43 ) .

4 - إعطاء الحكمة ونعمة الكلمة
🔊🔊🔊🔊
زى القديس استفانوس 🧔🏼 امام مجمع اليهود 👳🏻‍♂️ يذكر الكتاب أنهم لم يقدروا أن يقاموا الحكمة والروح الذى كان يتكلم بها
وحتى وقت رجمه قيل عنه
" وأما هو فشخص إلى السماء ☁️ وهو ممتلئ من الروح القدس🕊️ فرأى مجد الله " ( أع 7 : 55 ) .

5 - المعرفة ومهام قادة الكنيسة ⛪ 💒
وتظهر فى حكاية حنانيا وسفيرة 🧔👵
لما قال بطرس الرسول 🧔🏻 لحنانيا أنت لم تكذب على الناس بل على الله
( الروح القدس ) العامل فى قائد الكنيسة .

6 - الإرشاد فى الخوف 😟😟
ونتعرف على الإرشاد زى ما ارشد فيلبس 🧔 ليرافق مركبة الخصى الحبشى 🧔🏽
( أع 8 : 29 )
وكمان زى ما أرشد التلاميذ فى سفر اعمال الرسل ( 15 : 28 )
( أنه قد رأى الروح القدس ونحن أن لا نضع
عليكم ثقلا أكثر غير هذه الأشياء الواجبة )

👈 ومواقف تانية كتيرة موجودة فى اعمال الرسل 📖 ونرى أن الروح القدس يعمل بشكل كبير واساسى فى الكنيسة الأولى ويعطيهم حكمة وموهبة للكلام أمام سلاطين 👑 ويدعوهم للتبشير والخدمة باعتبار أن الروح القدس هو القائد للكنيسة وما زال يعمل فينا زى ما احنا عارفين أننا مولودين من الماء والروح بالمعمودية 🕳️ وبزيت الميرون⚱️
ولأننا هياكل الله فلابد أن روح الإنسان تكون تحت قيادة الروح القدس اللى يعطى قوة ومعونة للمؤمنين 👨‍👩‍👧‍👦 ويبكت الإنسان على خطاياه ويحزن بالإعمال الشريرة فالروح القدس يعمل فينا فى كل زمان وكل مكان
علشان كده قال الكتاب لا تطفئوا الروح ( 1 تس 5 : 19 )
فالروح القدس له اهمية كبيرة فى حياتنا كلها وحياتنا الروحية بصفة خاصة
ثمار الروح القدس فى حياتنا هى محبة فرح سلام طول أناة لطف صلاح إيمان وداعة تعفف . (غلاطيه 5 : 23 - 22 ) .

🍄 التدريب :-
- نتدرب على وسائط النعمة (حضور قداس - صلاة - قراءة الكتاب المقدس يومياً) عشان نمتلأ من الروح القدس
- ولا نعمل أى أعمال شريرة لكى لا نحزن الروح القدس .