خيمة الاجتماع مثال السماء

🗓 الجمعه الموافق: 24/2/2023 م
الموافق 17 امشير 1739 ش
🌹احباؤنا اولياء الامور 🌹
🖌درسنا بيتكلم عن (خيمة الاجتماع"مثال السماء")
🖌محور الدرس:
الله يعد اذهاننا للسماء.
🖌الهدف:
📌 يعرف ان الله يحبنا ويريدنا ان نشعر انه في وسطنا.
📌 يشعر ان ربنا موجود في الكنيسة في كل وقت، يشعر ان الله يحبنا.
📌 يتدرب على احترام الكنيسة ويشكر الله على انه سمح له بالوجود فيها.
🖌الاية : يصنعون لي مقدسا لاسكن في وسطهم (خر ٨:٢٥)

➕➕الدرس➕➕

س : ياترى السماء شكلها اية ⁉️
طيب هوا ربنا قال لحد على شكل السماء ⁉️
ياترى السماء هتكفينا كلنا ومين هيبقى موجود فيها⁉️
🙏تعالو مع بعض نشوف اجابة الاسئلة دى
🖌زمان ايام موسى النبي، ربنا كان عايز يبقى لية مكان وسط الناس على الارض يقدرو يروحو يزوروة فية و هوا هيبقى موجود هناك دايما.
فطلب ربنا من موسى👤🗣 ان يشترك هوا وكل الشعب👨‍👨‍👦‍👦👩‍👩‍👦‍👦 في بناء الخيمه🏗⛺ و جابو مواد البناء ( ذهب و فضة و نحاس و قماش) .
واختارو اسم للبيت دة هوا خيمة الاجتماع⛺ و دة علشان ربنا كان بيجتمع مع شعبة فية.
وربنا هو الي حدد شكل البيت دة من طول و عرض كل حاجة فيه بدقة شديدة جدا و البيت دة كان وسط بيوت الشعب👩‍👩‍👦‍👦⛺👨‍👨‍👦‍👦.
يصنعون لي مقدسا لاسكن فى وسطهم (خروج 8؛25)
⛺خيمة الاجتماع كانت مكونة من جزئين رئيسيين وهما القدس وقدس الاقداس وحوليهم الدار الخارجية، تعالو مع بعض نعرف اية هو القدس وقدس الاقداس واية الي موجود فيها ؟؟
الخيمة محاطة بجميع الجهات بالواح من الخشب وعليها قماش باب الخيمة من الناحية الشرقية عند الدخول من الباب هنكون في الدار الخارجية ودة بيدخل فيه كل الناس المؤمنين بربنا .
🖌و بعد الدار الخارجية هنلاقي المسكن و دة الي فية القدس وقدس االأقداس .
📍القدس
و باب القدس من القماش ويفصل بين القدس وقدس الاقداس حجاب
والقدس بس الكاهنة يدخلوة

📍قدس الاقداس:
بعد القدس هنلاقي قدس الاقداس.
دة بقى ماحدش يدخلو🚫 غير رئيس الكهنة ومرة وحدة في السنة بس
يوجد داخل قدس الاقداس تابوت العهد و دة مصنوع من خشب السنط و الخشب دة مش بيسوس ومتغطي بالكامل من الخارج و الداخل بالذهب و غطاء تابوت العهد من الذهب بيكون عليه ملاكين🧚🏻‍♂🧚🏻‍♂ من رتب الكاروبيم راس كل واحد مقابل الاخر وينظران نحو الغطاء و يمد كل ملاك جناحة نحو الاخر ليلتقيان باطرافهم نحو الاعلى ووجة الملاك شكل انسان 👦
و داخل تابوت العهد يوجد :
١- 📜📜لوحي الشهادة ، المنقوش عليها الوصايا العشرة .
٢-قسط المن.
٣- عطا هارون.
يعتبر قدس الاقداس دة مسكن ربنا.
و بعد ما خلص الشعب بناء الخيمة امتلات الخيمة بالسحاب☁⛺☁ التي تشير لحضور رب المجد.
🖌 و كانت زمان الخيمة تتنقل حسب ما ربنا بيقود الشعب و ظلت تتنقل من مكان لمكان لحد ما سليمان بنى هيكل بدلا من منها بشكل اكبر .
و لما ربنا نزل من السماء و اتصلب✝ انشق حجاب الهيكل علشان كل الشعب يقدر يشوف ربنا ويكلمة على طول مش بس رئيس الكهنة زي الاول.
و بعدين لما شعب👨‍👨‍👧‍👧 ربنا الي امنوا بالمسيح بقى في كل مكان في العالم مكنش ينفع يبقى لربنا بيت واحد بس في كل العالم علشان كده بنينا الكنيسة⛪ دي و كل الكنائس ⛺⛪ ذي خيمة الاجتماع و هيكل سليمان علشان دايما نكون في بيت ربنا و هو جنبنا و البيت دة هوا الي مختار كل حاجة فية 🖌مينفعش🚯 نوسخة او نكسر🚷 اي حاجة فية ولا ينفع نعلي صوتنا في الكنيسة📵📯 ولا نتخانق 🤼‍♂ونجرى وراء بعض علشان الكنيسة دي بيت ربنا الي اختار كل حتة فية بنفسه.
🖌 و الان عرفنا ان الكنيسة ⛪دي صورة السماء على الارض و ان ربنا موجود في السماء (الكنيسة ) ديما و ان ربنا قال لموسى على شكل السماء علشان كدة الاية بتقول يصنعون لي مقدسا لاسكن فى وسطهم (خروج 25:8)
➕➕تدريب➕➕
نتفق مع بعض ياولاد :-
1⃣احترام بيت ربنا لأنه هو الي مختارة بنفسه .
2⃣مينفش نرمي حاجة في الكنيسة ولا في حوش الكنيسة 🚮
3⃣نحترم الكنيسة ونحافظ عليها كانها بيتنا و اكتر لانها بيت ربنا.
🙏ولالهنا المجد الدائم والى الابد امين🙏