داود وشاول

درسنا اليوم
بيتكلم عن داود وشاول🙏🏼
الهدف من الدرس:
🔹ان يعرف الطفل ان محبة الاعداء هي مرضية لله
🔹ان يشعر الطفل بالرغبة الداخلية في التسامح
🔹ان يتدرب الطفل على ان يُصلي مَن أجل المسيئين له
♦️آية الدرس:
ياأولادي لا نُحب بالكلام ولا باللسان بل بالعمل والحق (1يو 18:3)

مرجع الدرس: الكتاب المقدس سفر صموئيل الأول اصحاح 24 و 26
درسنا النهاردة اتذكر في سفر صموئيل الاول وهو كان عن شخصية عظيمة جداً
دَاوُدَ النبي🎺🎺 وقصته مع شاول الملك👑

لما سمع شاول الملك ان دَاوُدَ شخص محبوب جداً من الشعب، و ممكن يبقى ملك على اسرائيل وياخد الْمُلْك منه.

فأبتدى شاول يفكر انه يوذى دَاوُدَ و طلب من جنوده انهم يدورو على دَاوُدَ 😡😡
ولكن لان دَاوُدَ كان قريب جداً من ربنا وبيحبه جداً، بلغه حد من اصحابه قاله ان شاول الملك بيدور عليك وعاوز يقتلك علشان سمع انك هتاخد منه الملك بدلا منه.
وفعلا دَاوُدَ اخد حذره و هرب من وجه شاول الملك و ذهب الى الجبل ليختبئ هناك فى مكان اسمه برية عين جدى, فعلم شاول بذلك ثم أخذ جنوده للجبل 🌄⛰⛰اللي كان دَاوُدَ مختبئ فيه لكن معرفش يوصل له ولما تعب شاول جداً , و كان شاول معاه جنوده ودخل كهف ⛺عشان يستريح شوية 😴😴 علشان كانوا محتاجين للراحة ,وفعلا ناموا نوم عميق.

وقتها دَاوُدَ كان قريب جداً من شاول الملك 😴لان دَاوُدَ كان مُختبِيء فى نفس الكهف و شاول ما كانش عارف لانه كان فى نوم عميق.

و الرجالة اللى كانوا مع داود قالوا له هوذا عدوك دُفع اليوم ليدك فافعل به ما تريد لكن دَاوُدَ رفض انه يؤذى شاول الملك. لان قلبه كان مليان محبة ل شاول.
رفض دَاوُدَ ان يقتل شاول , فقرر دَاوُدَ انه يقطع✂ طرف جلبية شاول👑
علشان يثبت له ان قلبه مليان محبه,ولما صحى شاول👑 وجنوده👮‍♂👮‍♂ ناداه دَاوُدَ وقاله طرف جلبيتك فى ايدى انا كنت اقدر اقتلك لكن مرضيتش اعمل كده فى سيدى الملك.

دَاوُدَ طلب من شاول ان يبادله نفس المحبة. وقتها شعر شاول بخطأه.
و رجع شاول الى القصر بعد ان سامح دَاوُدَ.

و بعد فترة من الزمن عاد شاول مرة اخرى و طلب من جنودة ان يقتلوا دَاوُدَ لان اسم دَاوُدَ كان محبوب جدا" وسط الشعب.
فهرب دَاوُدَ مرة أخرى إلى التل ليختبئ من شاول , و أخذ شاول 3 آلاف جندى ليبحث عن دَاوُدَ ليقتله.
و لما علم دَاوُدَ ان شاول قريب جدا منه , أسرع ليلا ليرى شاول. و اذ كان شاول قريب من التل. و وصل دَاوُدَ ليلا الى المكان الذى كان يستريح فيه شاول و جنودة , و كان شاول جالس بجوار التل ... كان دَاوُدَ خلفه و لم يراه شاول و اخذ دَاوُدَ الرُمح 🗡وكوز المياه🍸 اللي كان بيشرب فيه وطلع دَاوُدَ على قمة التل ⛰ ونادى على شاول وقاله أنت ازاي تصدق الناس اللي بتقول اني عاوز اؤذيك وبعد كده سجد😔 داود لشاول وقاله هوذا رأت عيناك كيف دفعك الرب ليدي وقيل لي أن أقتلك لكني أشفقت عليك وقلت لا أمد يدي الى سيدي لأنه مسيح الرب هو🙏🏼
فانظر يا أبى انظر الأن رمحك🗡 بيدى وانظر أنه ليس فى يدى شر ولا جُرم ولا أخطى اليك وأنت تتصيد نفسى لتأخذها. يقضى الرب بينى وبينك وينتقم لى الرب منك ولكن يدى لا تكون عليك.
دَاوُدَ حب يثبت لشاول انه كان قادر يقتله.و لكن لم يفعل هذا.
وقتها قال شاول لداود أنت أبر منى لأنك جازيتنى خير وانا جازيتك شر والنهارده انت اظهرت لى انك عملت خير فيا عشان ربنا خلانى اجى تحت ايديك ومقتلتنيش.
وفعلا شاول اعترف انه كان غلطان ووعد دَاوُدَ انه مش هايؤذيه ابدا لكن هنعرف دلوقتى ان شاول مكنش بينفذ وعده فقد سبق وطارد شاول دَاوُدَ فى مكان اسمه بريه عين جدى.
ودلوقتى احنا عرفنا قصة داود وشاول وازاى دَاوُدَ رد الاساءة بالخير والشر بكل لطف وحب💓 ولازم ننفذ طلب ربنا فى الكتاب المقدس بمحبة❤ اعدائنا ذى ما عمل دَاوُدَ مع شاول.
تدريب:
- نحفظ مزمور يستجيب لك الرب في يوم شدتك مز 19
- الصلاة من أجل المسيئين إلينا
- نتعود حياة التسامح والمحبة للجميع