داود ويوناثان (الصداقة)

🌿درسنا اليوم بيتكلم عن داود ويوناثان (الصداقة)🌿

🌱 التاريخ: 👈 04نوفمبر 2022
👈 25 بابه1739 ش
🌱 الهدف :
- أن يعرف الطفل معني الصداقه ...
- أن يشعر الطفل بأهمية الصداقة ...
- أن يتدرب الطفل على أن يختار صديق حقيقي ...

🌱 الأيه :
وقطع يوناثان وداود عهداً لأنه احبه كنفسه ( اصم ٣:١٨)

🍁الدرس🍁
درسنا النهاردة بيحكي عن شخصيتين وهما داود ويوناثان
👈 يوناثان ابن الملك شاول ومعني اسمه اعطي.
👈داود بن يسي من بيت لحم معني اسمه المحبوب
وحكايتنا ياولاد عن داود اللي كان ربنا كان بيحبه جداً واعطاه قوه وحكمة كبيرة لدرجة انه قتل اسد 🐅 ودب 🐻 ومش بس كده دا كمان حارب جليات💪 العملاق الفلسطيني اللى كان كل شعب👬👨👩 اسرائيل يخاف منه وفرح الملك خالص وكل شعب اسرائيل لما داود حارب وقتل جليات ولم يخاف منه
📍ملك اسرائيل 🤴فى الوقت ده كان اسمة شاول وكان عنده ولد اسمة يوناثان
📍يوناثان فرح خالص بداود لما انتصر علي جليات ومن وقتها بقى داود صديق يوناثان👬
وفى اليوم ده ياولاد الناس كلها 👬👨👧كانت فرحانة وتهتف لداود اكثر من شاول ولما سمع الملك شاول هذا الهتاف اتضايق جداً 😬
من داود وفكر ان يقتله لأن شاول الملك 🤴 ياولاد افتكران داود عايز يأخذ منه الملك
وفعلا حاول شاول قتل داود مرتين بالرمح🏹🏹 بس ربنا نجا داود منه ولكن الملك شاول لم يسكت فكر انه يزوجة بنته (ميرب)👸🏼
ويخليه هو المسئول عن الحروب فيموت فى الحروب لكن تعالو ياولاد نشوف رد داود على الملك قال له ايه؟
👈 داود قاله انا ماستهلش المكانة دى جلالة الملك 🤴
👈 لكن شاول فكر تانى وكلم عبيده وقالو لو قدرتم تقنعوا داود ان يتزوج بنتى الثانية (ميكال )👸
وفعلا تزوج داود من ميكال وشرط عليه أنه يحارب الفلسطنيين وفعلا حاربهم وغلبهم لان ربنا كان معاه واغتاظ الملك جداً جداً 😠😠
👈🤔 ياترى عارفين ليه؟📍برافو لان داود لم يمت فى الحرب
🌱 ولكن الملك شاول جمع عبيده تانى وكان يوناثان معاهم وقال لهم لازم تقتلوا داود
🤔 من كان صاحب داود؟.... 👈 هايل يوناثان
📍يا تري هيعمل اية يوناثان؟ 🤔
👈 راح فعلا لداود وقاله الملك شاول 🤴عايز يقتلك فخلى بالك واستخبي وانا مش هسكت انا هكلم الملك عنك
وسمع ياولاد داود الكلام واستخبى وفعلا ذهب يوناثان لأبية فى الصباح وقال له لاتخطئ وتقتل داود
هو لم يعمل اى حاجة خطأ هو اللى انقذ اسرائيل كلها من يد الفلسطينين ...
وهو اللى قتل جليات وسمع ياولاد الملك شاول🤴 كلام ابنه وقال
🌹حى هو الرب لايقتل🌹 يعنى ياولاد مش هيقتل داود
📍تعالوا نشوف موقف يوناثان بعد هذا الخبر؟
🌱طبعا فرح جدا وذهب الى داود ليقول له اللى حصل وفعلا داود فرح ودخل يوناثان مع داود امام الملك شاول🤴
ولم يؤذيه وانقذ يوناثان صديقة داود👬 من يد شاول وفعلاً
🌿قطع يوناثان وداود عهدا لانه احبه كنفسه 1صم 3:18

👈شفنا دور يوناثان المحب مع داود وكيف أنقذه من الموت كذا مرة واعتني به
👈 ومن أجل صديقه لم يهتم أنه يصبح ملك فقد أحب داود حباً حقيقياً ....
👈 وصداقته كانت بدون انانيه
👈 كان داود قريب من الله فأحبه يوناثان وانجذب اليه إذن لابد ان نتمثل بداود لنجذب الأخرين لربنا.
👈كانت صداقة يوناثان باذله وشجاعه فوقف معه رغم غضب الملك
👈كانت صداقته مستمره فقد بكي داود كثيراً عند موت يوناثان واحسن لنسله من بعده ..

💐💐💐💐💐💐💐💐💐💐
🌱ومهم جداً أن الطفل يعرف: أن صديقة الأول والأخير هو بابا يسوع
🌱 أنه توجد صداقات حقيقية تقودنى لملكوت السموات
1-صداقة ربنا يسوع المسيح
2-صداقة الكتاب المقدس
3-صداقة الملائكة والقديسين
🌱وطبعا لازم انا كمان أعبر عن محبتي ومشاعري ليهم بطريقة عملية في فرحهم وحزنهم زي ما يوناثان عمل مع داود والعكس..

💐 أما آية الدرس ببساطة .. إن ربنا عوض داود عما فعله به شاول الملك بصداقته مع ابنه يوناثان الذي أحبه كنفسه .. وقطعا مع بعضهما عهداً أو وعداً لصداقة تدوم من خلال علاقتهم القوية بالله ...
نقول تاني صديقي الأول والأخير هو بابا يسوع ...
لما أختار صديق يكون إيماننا مشترك يعني يقربني من ربنا ..
صديقي يشاركني القداس .. مدارس الأحد .. الإعتراف .. طريقة صلواتنا واحدة ..
🌷تدريب🌷ان أقدم لكل اصدقائي كل الحب والوفاء وسلوكي يكون بمحبه نحوهم مثل ماعمل يوناثان و داود
🙏ولالهنا المجد الدائم الى الابد أمين
اية الدرس
وقطع يوناثان وداود عهداً لأنه أحبه كنفسه
( ا صم ٣:١٨)