سمعان الخراز ونقل جبل المقطم

🌹 أولياء الأمور الأحباء درسنا هذا الاسبوع بيتكلم عن معجزة نقل جبل المقطم
🔸التاريخ
18اغسطس 2023م
12 مسرى 1739ش
🔸الهدف🔸
🔹ان يعرف الطفل قصة معجزة نقل جبل المقطم
🔹ان يشعر الطفل بأهمية الصلاة والصوم🙏🙏
🔹ان يتدرب الطفل على الثقة في وعود الله
🔸الاية🔸
🔻" الْحَقَّ أَقُولُ لَكُمْ: لَوْ كَانَ لَكُمْ إِيمَانٌ مِثْلُ حَبَّةِ خَرْدَل لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ. "(مت 20:17)
🔸الدرس 🔸
بنعمة ربنا النهاردة يا اولاد👨‍👨‍👦‍👦 هنشوف مع بعض قوة الصلاة 🙏🙏والصوم والايمان بكلام ربنا ممكن يعمل معجزات حد فاكر معجزة اتعملت زمان لو عهد قديم او جديد بسبب ايمان وصلاة وصوم الشعب ربنا اتحنن عليهم وقبل صلواتهم وصومهم وعمل معجزة او قبل توبتهم ؟

صح برافوووو شعب نينوي 👩‍👩‍👦ربنا سامحه لانه تاب وصام وصلي وسامحهم كمان في معجزة نقل جبل المقطم حد فاكرها؟
زمان يا اولاد في عهد الخليفة المعز لدين الله الفاطمي 👳🏻‍♂️كان في عهد البابا ابرام بن زرعة السرياني سنة ( ٩٧٥- ٩٧٩ م )

كان يا اولاد الخليفة المعز👳🏻‍♂️ رجلا محباً لمجالس الادب والثقافة والمباحثات الدينية وكان في راجل يهودي اسمه يعقوب بن كلس 🧔وهو اعتنق الاسلام عشان يبقى في منصب كبير في الدوله وكان بيكره المسيحين اووي😒

وفي يوم يا اولاد راح يعقوب 🧔للمعز 👳🏻‍♂️وطلب منه انه يحضر بطريرك المسيحين عشان يؤكد للمعز خطأ المعتقدات المسيحية وفعلا استدعى الخليفة 👳🏻‍♂️البابا ابرام السرياني وراح البابا واخد معاه الانبا ساويرس اسقف الاشمونين وكان عالم في الدين ودار حوار بين يعقوب 🧔والانبا ساويرس ورد على يعقوب بالدلائل والبراهين فخجل يعقوب امام الخليفة و تضايق جدا يعقوب من المسيحيين وقعد يفكر🤔🤔 ويدور في الكتاب المقدس 📖عشان يلاقي حاجة يعجز المسيحين انهم يعملوها

وفعلا لقي ايه في الكتاب المقدس 📖بتقول ""الحق اقول لكم لو كان لكم ايمان مثل حبة خردل لكنتم تقولون لهذا الجبل انتقل من هنا الي هناك فينتقل (مت 20:17)
وراح بسرعة🚶‍♂️ للخليفة المعز وقال له أن المسيحين عندهم ايه بتقول "الحق اقول لكم لو كان لكم ايمان مثل حبة خردل لكنتم تقولون لهذا الجبل انتقل من هنا الي هناك فينتقل" (مت20:17)
وقال للخليفه ايه رايك لو تطلب منهم ينقلوا جبل المقطم ولو قدروا ونقلوه هيبقي افضل ولو مقدروش نطردهم من البلد ونرتاح منهم 😔😔
وفعلا اقتنع الخليفة👳🏻‍♂️ بالفكرة وارسل للانبا ابرام وطلب منه ينفذ الاية وينقل الجبل

الانبا ابرام احتار جدا واصدر منشورًا على جميع المسيحين في كل البلاد وطلب منهم انهم يصوموا ويصلوا 🙏🏻لمدة 3 ايام لحد غروب الشمس🌞
وراح البابا ابرام الي كنيسة💒 السيدة العذراء بالمعلقة بمصر القديمة وانعكف للصلاة والصوم امام الله قدام صورة العدراء 🙏🙏

وفي يوم شاف👀 السيدة العذراء في نومة
تشير اليه بأن يخرج من بابا الكنيسة وهناك هيلاقي رجل👨‍🦳 يحمل جرة ماء وهو هيعرفك تعمل أيه وفعلا خرج الانبا ابرام وقابل قديسنا سمعان الخراز وحكى له على اللي حصل ((الخراز )) يا اولاد دي مهنة لدباغة الجلود أو تصليح الاحذية 👞وكان قديسنا سمعان الخراز رجل صلاة وصوم🙏🙏 وزاهد وكمان كان بيخدم الناس الكبار والمرضى وكان يوصل لهم الماء كل يوم ويوزع الطعام 🍅🍑على المحتاجين في المنطقة وكان متواضع قوي في ايمانه وصلاته 🙏🙏
وفي اليوم الثالث قال البطريرك للخليفة بانه ممكن ينقل جبل المقطم وراح الوالي وجميع عظماء البلد والبطريرك واساقفة الكنيسة 💒وقديسنا سمعان الخراز وكل الشعب وراحوا عند جبل المقطم ووقفوا يصرخوا🤷🤷‍♀️ قائلين "" كيرياليسون ""يارب ارحم
وفعلا حدثت زلزلة عظيمة واهتز الجبل من مكانه لدرجة ان الشمس 🌞ظهرت من تحت الجبل وفي كل سجدة 🧎يرفع البطريرك والشعب روؤسهم الجبل يرتفع و كل ما يسجدوا ينزل الجبل الى الارض ولما يمشوا يمشي معاهم
ولما الخليفة👳🏻‍♂️ شاف كده خاف جدا هو واصحابة🧔🧔 وقال للانبا ابرام اطلب اي شيء وانا اعمله ليك لكن الانبا ابرام مرضيش ياخد منه شيء ولما اصر الخليفة انه لازم يطلب شيء
فطلب الانبا ابرام عمارة الكنائس 💒💒وخصوصا كنيسة الشهيد ابو سيفين مصر القديمة
وعلشان احنا مننساش المعجزة دي الكنيسة اضافت ال 3 ايام دول الي صوم الميلاد واصبح 43 يوم لان بقوة الصلاة والصوم انتقل الجبل زي الايه ما بتقول الحق اقول لكم لو كان لكم ايمان مثل حبة خردل لكنتم تقولون لهذا الجبل انتقل من هنا الي هناك فينتقل (مت 20:17)🌺🌺
🔸التدريب🌹🌹
🔴 نصلي ونطلب معونة ربنا في الشدائد بإيمان ونثق أن ربنا هيستجيب لينا🙏🙏