شفاء المفلوج

🌹بسم الاب والابن والروح القدس اله واحد امين 🌹
احباؤنا اولياء الامور درسنا النهارده بيتكلم عن
🌿 *شفاء المفلوج*

🌿الهدف 🌿
+ان يعرف الطفل اننا جميعاً أعضاء في جسد المسيح الواحد
+ان يشعر بمحبة نحو جميع أصدقائه
+ان يتدرب علي تقديم مشاعر محبة نحو جميع أصدقائه
🌿الايه 🌿
( *فلما رأي يسوع إيمانهم قال للمفلوج ثق يا بني مغفورة لك خطاياك )* (مت٢:٩)
🌷 *الدرس*
حكايتنا عن طبيب ( دكتور)👨‍⚕كان طبيب ماهر 👍في كل التخصصات
ومن زمان في اسماء دكاتره قديسين ... زي القديسان قزمان ودميان ومين كمان القديس لوقا 🌿
🌷بس فيه كمان طبيب شاطر اشطر منهم كلهم حد يعرفه مين ؟!!
🍁صح بابا يسوع
في مره كان بابا يسوع نازل ورايح بلد اسمها كفر ناحوم وطبعا كلنا عارفين لما بابا يسوع كان بيروح يعلم الناس في اي مكان كان كل الناس بتتجمع حواليه وطبعا لما كان بيروح اي بيت 🏠كان برضو كل الناس بتتجمع في البيت ده لان بابا يسوع اعظم طبيب 👨‍⚕في الدنيا كلها كان بيشفي مرضي كتير جداً
ومن الامراض اللي بابا يسوع شفاها
الاعمي - ذو اليد اليابسه _ المفلوج ....الخ
🌷انتو عارفين في معجزه شفاء المفلوج كان في اول رجال اسعاف 👩‍🚒👨🏻‍🚒 في التاريخ المسيحي موجودين في المعجزه دي عارفين مين هما ؟ برافوووو عليكم 👬👬هما اصحاب المفلوج الاربعه كانوا محبين لصاحبهم وكان ايمانهم بربنا كبير جداً 🙏 وكانوا واثقين ان ربنا اكيد هيشفي صاحبهم علشان كدا كانوا مجتهدين جداً ولما عرفوا
ان بابا يسوع في كفر ناحوم ذهبوا الي البيت 🏠وحاولوا وجاهدوا انهم يدخلوا لكن للأسف مقدروش يدخلوا خالص لان البيت كان زحمه جداً جداً وعلشان كدا فكروا 🤔🤔 انهم يطلعوا فوق سطح البيت 🏡 والبيت زي بيوت الارياف السقف بيكون من فروع الشجر 🌴🌴🌴وكمان شالوا جزء من السقف فوق المكان اللي بابا يسوع كان واقف فيه وربطوا سرير المفلوج بالحبال ونزلوا صاحبهم 👨المفلوج في نفس مكان بابا يسوع ولما شافهم يسوع فرح لمحبه الأصدقاء وتعبهم واجتهادهم من اجل صاحبهم ولما نزلوا صاحبهم راح بابا يسوع قاله (قم مغفوره لك خطاياك )

☘️لكن الناس اللي في البيت اللي كانوا بيسمعوا بابا يسوع كان فيهم شويه من الكتبه 👳‍♂👳‍♂اتضايقوا خالص ان الرب يسوع بيقول مغفوره لك خطاياك وقالو ازاي يقول كده ؟ هو مين ده اللي يقدر يغفر الخطايا غير ربنا؟
وده طبعاٌ اثبات ان الرب يسوع هو الله وهو وحده اللي يقدر يغفر الخطايا ولما بابا يسوع سمعهم فقال للمفلوح ( قم و احمل سريرك وامشي) فقام المفلوج للوقت وشال سريره وفرح جدا 😄😄 هو وكل اصحابه 🕺🕺🕺🕺لان بابا يسوع شفاه من المرض شفتوا ازاي محبة الاصحاب الاربعه لصاحبهم خلي الرب يسوع يفرح بيهم و يشفي صاحبهم👏👏
🌿تدريب🌿
+ عايزين نكون زي أصدقاء المفلوج اننا نساعد الاخرين وكل مريض وكل محتاج
+ واننا نحب كل الناس لأننا كلنا أعضاء في جسد الرب يسوع
+ولازم نتعلم اننا نختار الصديق اللي يقربنا من ربنا والكنيسه
+ونتدرب اننا نزور صديقنا المريض ونصلي الي الله لكي يشفيه
🌷الايه🌷
( *فلما رأي يسوع إيمانهم قال للمفلوج ثق يا بني مغفورة لك خطاياك ) (مت٢:٩)*
الله يجعلنا ان نكون سامعين عاملين لمجد اسمه القدوس امين+