شفاء المفلوج المدلى من السقف

🌹بسم الاب والابن والروح القدس اله واحد امين 🌹
احباؤنا اولياء الامور درسنا النهارده بيتكلم عن
🌿 *المفلوج المدلي من السقف “الاجتهاد”*

🌿الهدف 🌿
+ان يعرف الطفل اهميه الجهاد في حياته
+ان يشعر بلذه النجاح والاجتهاد
+ان يتدرب علي الاجتهاد في حياته العلميه والروحيه
🌿الايه 🌿
( *الرخاوة لا تمسك صيدا اما ثروه الانسان الكريمه فهى الاجتهاد*) امثال ٢٧:١٢
🌷الدرس
بِعد الانتهاء من اجازه الصيف☀️ والاستعداد للعام الدراسي الجديد 🗒✏️
نبتدي نجهز الوقت للمذاكرة📚 للنجاح والتفوق زي ما تعودنا كل سنه

حكايتنا عن طبيب ( دكتور)👨‍⚕كان طبيب ماهر 👍في كل التخصصات
ومن زمان في اسماء دكاتره قديسين ... زي قزمان ودميان ومين كمان القديس لوقا 🌿
🌷بس فيه كمان طبيب شاطر اشطر منهم كلهم حد يعرفه مين ؟!!
🍁صح بابا يسوع

في مره وهو نازل ورايح بلد اسمها كفر ناحوم وطبعا كلنا عارفين لما بابا يسوع كان بيروح في اي مكان كل الناس بتتجمع حواليه وطبعا لما كان بيروح اي بيت 🏠كان برضو كل الناس بتتجمع في البيت ده لان بابا يسوع اعظم طبيب 👨‍⚕في الدنيا كلها كان بيشفي مرضي كتيرجدا ً
ومن الامراض اللي يسوع شفاها
الاعمي ...ذو اليد اليابسه _ المفلوج ....الخ
🌷انتو عارفين في معجزه شفاء المفلوج كان في اول رجال اسعاف 👩‍🚒👨🏻‍🚒في التاريخ المسيحي موجودين في المعجزه دي عارفين مين هما ؟👬👬هما اصحاب المفلوج الاربعه كانوا محبين لصاحبهم وكان ايمانهم بربنا كبير 🙏جدا وكانوا واثقين ان ربنا اكيد هيشفي صاحبهم علشان كدا كانو محتهدين جدا ولما عرفوا
ان بابا يسوع في كفر ناحوم ذهبوا الي البيت 🏠حاولوا وجاهدوا ان يدخلوا لكن للاسف مقدروش يدخلوا خالص لان البيت كان زحمه جداجدا وعشان كدا فكروا لدرجه🤔🤔 انهم يطلعوا فوق البيت 🏡 والبيت زي بيوت الارياف السقف بيكون من فروع الشجر 🌴🌴🌴وكمان شالوا جزء من السقف فوق المكان الي بابا يسوع كان واقف فيهاوربطوا سرير المفلوج بالحبال ونزلوا صاحبهم 👨المفلوج في نفس مكان بابا يسوع ولما شافهم يسوع فرح لمحبه الأصدقاء وتعبهم واجتهادهم ولما نزل صاحبهم راح بابا يسوع قاله (قم مغفوره لك خطاياك )

☘️لكن الي في البيت بيسمعوا بابا يسوع كان فيهم شويه من الكتبه 👳‍♂👳‍♂اتضايقوا خالص ان الرب يسوع بيقول مغفوره لك خطاياك وقالو ازاي هو مين ده الي يقدر يغفر خطايا غير ربنا ودا اثبات ان الرب يسوع هو الله وهومن يقدر ان يغفر الخطايا ولما بابا يسوع سمعهم قال ( قم و احمل سريرك وامشي فقام المفلوج للوقت وشال سريره وفرح جدا 😄😄هو وكل اصحابه 🕺🕺🕺🕺لان بابا يسوع شفاه من المرض شفتوا ازاي اجتهاد الاصحاب الاربعه خلي الرب يسوع يشفي صاحبهم👏👏
🌿تدريب🌿
+ عايزين نكون زي أصدقاء المفلوج وان
نساعد الاخرين وكل مريض وكل محتاج
+ وان نجتهد في حياتنا الروحيه ويكون عندنا أصرار فى الصلاة والصوم وقراءة الكتاب المقدس
+ وان نجتهد فى حياتنا العملية ونبذل كل مجهود عشان يكون النجاح هو الثمر
🌷الايه🌷
(الرخاوه لاتمسك صيدا اما ثروه الانسان الكريمه فهي الاجتهاد )امثال ٢٧:١٢
الله يجعلنا ان نكون سامعين عاملين لمجد اسمه القدوس امين+