صداقتى بالسماء - القديس فيلوباتير مرقوريوس ابو سيفين

🌱درسنا اليوم عن: صداقتى بالسماء (القديس فيلوباتير مرقوريوس
ابو سيفين ⚔)
📍التاريخ:- 11/25/ 2022
16 هاتور 1739`W
📍هدف الدرس:
1-ان يعرف الطفل سيره الشهيد مرقوريوس ابوسيفين ⚔
2-أن يشعر بأن السماء مكان يسكنه القديسين
3-ان يتدرب على التشفع بالقديسين ويأخذ منهم أصدقاء له
📍ايه الدرس:
" 👼ملاك الرب حال حول خائفيه وينجيهم" مز 7:34
🌱 الدرس:
📍ولد القديس فيلوباتير فى روميه سنه 225م ومعنى فيلوباتير محب الاله كان ابواه وثنيان ولكنهم آمنوا بالمسيحيه واعتمدوا واصبح اسم والد فيلوباتير
🌷نوح واسم امه سفينه 🌷 وذلك اشاره الى خلاصهم ونجاتهم من الوثنيه
🎚️ ربى نوح وسفينه ابنهم فيلوباتير فى الكنيسه ⛪وعلماه التعاليم المسيحيه وكان فيلوباتير يسمع والديه يصلون ويشكرون ربنا على انهم اصبحوا مسيحييين ويطلبوا من ربنا طلبه انه يحافظ عليهم ويكون معاهم في كل ايام حياتهم ويقولوا انت وعدت يارب وقلت
👈 (ملاك الرب حال حول خائفيه وينجيهم) وكانوا دايما يطلبوا شفاعة العذراء مريم والملاك ميخائيل وكان فيلوباتير بيسأل ابوه وأمه (هوالقديسين والملائكه بيسمعونا فى اى وقت )
وكانوا يجيبونه طبعا هما معنا فى كل وقت بيسمعونا ويصلوا عنا قدام رب المجد وبيسرعوا لمعونتنا.
👈وفى يوم عيد الملاك ميخائيل كانوا بيصلوا تمجيد للملاك ويعطوا عطايا للفقراء.🎁🛍🛍🎁
🎚️ كبر فيلوباتير ودخل الجيش الرومانى وكان شجاع جداً وبارع فى الفروسيه (ركوب الخيل) 🐴🐴والتخطيط الحربى وكان فيلوباتير ناجح جداً فتمت ترقيه فيلوباتير الى رتبه قائد🎖 وتسمى باسم مرقوريوس
🎚️وقامت حرب كبيره بين البربر والرومان وكان الوالى الرومانى خايف من البربر لكن فيلوباتير كان واثق فى ربنا وبشفاعه صديقه الملاك ميخائيل وبكل ثقه وشجاعه طمن فيلوباتير الملك انهم هيكسبوا المعركه
👈وصلى فيلوباتير🙏 ان ربنا ينصره على البربر وقال انت وعدت وقلت يارب (ملاك الرب حال حول خائفيه وينجيهم) يارب ادينى نصره ونجاح بشفاعه الملاك ميخائيل فظهر الملاك ميخائيل لفيلوباتير وطمأنه ان ربنا هيعطي له نصره فى الحرب واعطاه سيفا لامعا🗡فاصبح فيلوباتير معه سيفين ⚔سيفه والسيف الذى اعطاه له الملاك ميخائيل وقال له الملاك ان الرب يسوع فرحان بيك وبايمانك وعارف انك مش هتنكره مهما كانت الظروف صعبه وربنا هيكون فى انتظارك فى السماء ومعه العدرا والقديسين
👈اخذ فيلوباتير السيف من الملاك بشجاعه وشعر بقوه ربنا بتسنده ودخل فيلوباتير الحرب وانتصر عل البربر وشكر فيلوباتير ربنا وصديقه الملاك ميخائيل
👈 فرح الملك بالنجاح الذى حققه فيلوباتير فأعطاه رتبه القائد الاعلى للقوات الرومانيه🏅🎖🏅 وكان عمره 25 سنه وذهب الملك ليحتفل بالانتصار بالذبح للأوثان ولكن فيلوباتير لم يذهب معهم فأعلم احد العساكر الملك ان سبب غياب القائد فيلوباتير وهو انه مسيحى ولا يعبد الاوثان فأستدعى الملك فيلوباتير ليتأكد منه فاعلن فيلوباتير انه مسيحى ولا يعبد الاوثان فتعجب الملك وقال له اما يهمك كل النياشين والرتب الحربيه والعظمه ان تزول عنك فقال له فيلوباتير انها لا تساوى شىء عنده اذا تعارضت مع محبه ربنا وخلع فيلوباتير عنه الرتب امام الملك
👈 فأمر الوالى بتعذيب فيلوباتير لكن فى العذابات كان بيطلب معونه ربنا ويقول انت وعدت يارب
(ملاك الرب حال حول خائفيه وينجيهم )
📍و كان ربنا معاه وبيقويه واخيرا بعد ثبات فيلوباتير على الايمان قطعت رأسه ونال اكليل الشهاده فى 4 ديسمبر سنه 250 م 25 هاتور واستقبله رب المجد فى فرح واعطاه مجد وفرح✨✨✨
👌احنا كمان يا حبايبى عاوزين يكون لينا شفيع وصديق من القديسين او الملائكه زى القديس فيلوباتير كان ليه صديقه الملاك ميخائيل احنا ناخد لينا قديس ونعلق صورته عندنا فى الاوضه ونكلمه فى كل وقت ونحكيله على اى حاجه مضيقانا
👌 مهم أن الطفل يتعلم أنه يتشفع بقديس معين او اكثر:
👈 يتعلم يختارقديس معين ويتخذه صديقا له فى حياته ويضع صورته فى غرفته مثل صداقة البابا كيرلس ومارمينا
👈 يتدرب الطفل على عمل تماجيد للقديسين فى اعيادهم وقرأة سير القديسين من خلال السنكسار او الكتيبات
👈 إذا جاءتهم الفرصة اثناء وجودهم في مصر يهتموا بزيارة اماكن واديرة القديسين لاخذ بركاتهم المقدسة والاقتداء بسيرتهم
👈 تفسير الأية
الولاد الحلوين اللى بيحبوا بابا يسوع وينفذوا وصاياه زى ابو سيفين دايماً ملاك ربنا يكون حولهم وينجيهم من اى شر ويحميهم من أي خطر في الشارع أو في البيت ويساعدهم في الحاجات الصعبة زي الامتحانات .
🌷ولإلهنا كل مجد وكرامه إلى الأبد أمين 🙏