صوم العذراء وصوم الأربعاء والجمعة

🌟درسنا اليوم 🌟
❤❤ ((صوم العذراء مع صوم الاربعاء والجمعة ))❤❤
💥ايه الدرس💥
((واما هذا الجنس فلا يخرج الا بالصلاة والصوم ))
( متي ١٧: ٢١ )
🎯هدف الدرس 🎯
🏵ان يعرف الطفل لماذا الاصوام في الكنيسة .
🏵ان يشعر بأهمية الصوم في حياته .
🏵ان يتدرب على الصوم .
🌺 الدرس :
⭐💥درسنا الاسبوع ده يا حبايبي عن الصوم ومعني كلمة صوم في اللغة العربية هو الامتناع او الانقطاع عن شئ معين ، لكن معني الصوم في كنيستنا اني اصوم فترة من الوقت انقطاعي بدون اكل وبعدها ابدأ اكل حاجات صيامي (أكل نباتي 🍆🥒🥦) .
💥والصوم نوعين :
١) صوم جماعي ⬅ بيبقي صوم عام حطته الكنيسة لكل الناس زي صوم الميلاد والصوم الكبير والرسل و العدرا و .....
٢) صوم فردي ⬅ ده صوم بيبقي للشخص بمفرده حسب ارشاد اب اعترافه وظروفه الخاصة.
💥صوم العدرا وصوم الاربعاء والجمعة ده صوم جماعي بتمارسه الكنيسة من ايام العصر الرسولي
💥و صوم العدرا احنا بنصومه لربنا مش لماما العدرا لان الصوم بيتقدم لله وحده ولكنه اتسمي بهذا الاسم عشان في نهايته بنحتفل بعيد تذكار صعود جسدها الطاهر الي السماء.
والرسل هما اللي رتبوا الصوم ده بعد نياحة ماما العدرا .
💥وبتكون مدته ١٥ يوم بس بيبدأ من ١ مسري لحد ١٦ مسري الموافق ( ٧-٢٢ اغسطس )
💥وهو صيام من الدرجة الثانية نقدر ناكل فيه سمك .

💥 لكن اصوام الدرجة الاولي زي صوم الاربعاء والجمعة والصوم الكبير وأيام البرمون لعيدي الميلاد والغطاس مينفعش ناكل فيها سمك .
💥بنصوم يوم الاربعاء ⬅ عشان نفتكر ان في هذا اليوم تمت المؤامرة علي الرب يسوع واتفق يهوذا الاسخريوطي مع رؤساء الكهنة علي تسليم المسيح مقابل ٣٠ من الفضة
💥وبنصوم يوم الجمعة ⬅ عشان نفتكر اليوم اللي اتصلب فيه المسيح ومات ودفن .
💥 صيام الاربعاء والجمعة بيبقي مستمر كل اسبوع ماعدا ايام الخمسين المقدسة وعيد الميلاد وعيد الغطاس .
🌹شفنا يا حبايبى ازاى كنيستنا وضعت لينا الصيامات طول السنة لأن الصيام مهم جداً
🔹الصيام يدربنا على التحكم فى النفس عندما نمتنع عن الأكل الفطارى الذى نشتهيه .
🔹فى الصيام تكون صلواتنا اعمق .
🔹فى الصيام تكون تأملاتنا أعمق .
🔹فى الصيام تكون صلاتنا بالله أقوى

💥💥التدريب💥💥 :
التعود علي صوم الاربعاء والجمعة
وصيام العدرا.