غسل الأرجل وسر الافخارستيا في خميس العهد

درسنا اليوم بيتكلم عن
*غسل الأرجل وسر الافخارستيا فى خميس العهد *
🍁الهدف
+ان يعرف الطفل ترتيب طقس خميس العهد
+ان يشعر بأهمية سر الافخارستيا
+ان يتدرب على حضور القداس من البداية
🍁الآية🍁
من يأكل جسدى ويشرب دمى فله حياة ابدية وأنا اقيمة فى اليوم الأخير (يو 54:6)
🌹الدرس🌹
درس النهاردة يا أولاد عن يوم عظيم وحلو خالص لأن رب المجد يسوع المسيح اسس فيه سر عظيم وهو سر الافخارستيا
يعني سر التناول
يا تري عرفتوا اليوم ده ؟
برافو يوم خميس العهد او الخميس الكبير وبيكون في أسبوع الآلام وهو من الأيام الهامة جدا في كنيستنا
🍁تعالوا مع بعض نشوف ايه اللى حصل فى اليوم ده ؟
1- غسل السيد المسيح أرجل تلاميذه
🍁هنا ياأولاد بتصلي الكنيسة صلاة اللقان ثم يغسل رئيس الكهنة او الكاهن أرجل الشعب
+ربنا قام بنفسه واخذ منشفة واتزر بها يعني وضعها زي الحزام حول وسطه ثم صب ماء فى مغسل وابتدأ يغسل ارجل تلاميذه وهذا ياأولاد قبل التناول وكمان ربنا عايز يعلمنا اننا نكون مستعدين وطاهرين قبل مانتقدم الى الاسرار المقدسة
وكمان ياأولاد فى هذا العمل اراد ان يعلمنا التواضع
كيف ينحنى المعلم العظيم ليغسل أرجل تلاميذه وازاى ينحني الرب بنفسه ليغسل أرجل انسان وهو من صنع يديه ياه ........يا رب قد إيه انت متواضع
+نشوف كمان ياأولاد فى غسل الارجل (درس كبير فى المحبة)
محبته لتلاميذه ان يمنحهم الطهارة لكى يمنحهم بنفسه جسده ودمه مفيش محبة اعظم من كده
هنا ياأولاد الماء يرمز الى الطهارة والنقاء والحياة وعمل الروح القدس نفسه
+لازم قبل مانتقدم فى اليوم ده للتناول والغسيل أرجلنا أن نتوب ونعترف عند ابونا الكاهن
2- تأسيس السيد المسيح لسر الافخارستيا
🍁فى هذا اليوم ياأولاد احتفل السيد المسيح بعيد الفصح اليهودى ثم اسس سر التناول (اصنعوا هذا لذكرى)وفى فرحة هذا اليوم اعطاهم فكره عن ازاي جسده سيبذل ودمه سيسفك عنهم وعن كثيرين لمغفرة الخطايا
واللى يتقدم للتناول هناك شرط اساسي وهو
+التوبة كشرط هام للاستحقاق
سؤال ماذا تعنى كلمة استحقاق؟
بنشوف ياأولاد ابونا بيصلى صلاة الاستعداد وبيقول ايها الرب العارف قلب كل واحد .......اغفر لي انا الخاطى وامنحنى ان اجد نعمة ورحمة فى هذه الساعة
+كمان شرط الصلح مع الناس قبل التناول
يعنى اذا قدمت قربانك الي المذبح وهناك افتكرت ان لاخيك شئ عليك اذهب واصطلح معه الاول وبعدين تعالى وقدم قربانك يعني بعديها ابقي تعالي اتناول
المصالحة ياولاد تعنى ان القلب لازم يكون خالى من الخصام
+كمان لازم نكون مستعدين جسديا
وهو الصوم لازم ياولاد نصوم قبل التناول على الاقل 9 ساعات يبدا الصوم من منتصف الليل
كلنا ياأولاد نحاول ان نستعد (بالتوبة) والتوبة فى ايدينا وهى عمل يحدث داخل قلوبنا
بعد التناول يااولاد هنحصل على بركات ياترى اية هى ؟
+ان أكل أحد من هذا الخبز يحيا الى الابد
+من يأكل جسدي ويشرب دمي فله حياة ابدية وانا اقيمه فى اليوم الاخير يو 54:6
+من يأكل جسدى ويشرب دمي يثبت في وانا فيه يو 6: 56
+يعطى عنا خلاصا وغفرانا للخطايا وحياة ابدية لكل ما يتناول منه
🌹تدريب:🌹
لازم كلنا نحضر قداس خميس العهد وننتظم فى حضور القداسات من بدايتها ، واكون مستعد يعنى طاهر ، وتائب ، وصايم ، ومش مخاصم حد .

🙏ولالهنا المجد الدائم من الآن والى الأبد آمين