قورح وداثان وابيرام - احترام البابا ديمتريوس لمعلمه

🌹احباؤنا أولياء الامور🌹
درسنا اليوم بنعمه ربنا هيعلمنا فضيله جميله لحياتنا نعيش بيها وهي الاحترام تعالوا نشوف مع بعض مواقف من كتابنا المقدس وتاريخ كنيستنا بتتكلم عن الاحترام:-

(قورح وداثان وابيرام) و ( احترام البابا ديمتريوس لمعلمه)

🎯التاريخ🎯
١٨نوفمبر ٢٠٢٢م
٩ هاتور ١٧٣٩ش
🎯الهدف🎯
👈 أن يعرف الطفل احترام الكهنوت والكبير عامه
👈 ان يشعر بقدسية واحترام الاكليروس
👈 ان يتدرب على احترام وطاعه الأب الكاهن
🎯 الآيه 🎯
" اخش الرب بكل نفسك واحترم كهنته "
(يشوع بن سيراخ 31:7)**
بمعنى الكهنوت دعوة من ربنا واختيار بإرشاد الروح القدس،والكهنة خدام لربنا واحنا نحترم الكهنة لأن احترامهم معناه احترام لربنا اللي بيخدموه وكمان نخلي مخافة ربنا ومحبته قدام عيننا وجوه قلبنا
🌹الدرس🌹
النهارده هنعرف حكايه حلوه خالص حصلت فى العهد القديم📖 أيام موسى النبى 👴🏻قائد شعب إسرائيل .
🌿شعب إسرائيل كان دايماً متذمر😏😠 على الأوضاع يعنى مش بيعجبه حاجه مره يتذمر عشان الأكل🍱 ومره عشان الماء🥛
💖.لكن دايماً كان ربنا بيتحنن عليهم ويعولهم 🙏
📍لكن فى مره تذمروا وربنا عاقبهم عقاب شديد.😱
📍فى الوقت ده كان ربنا محدد لموسى النبى أن سبط لاوى يكون منهم الكهنه المسؤلين عن خيمة الاجتماع⛺ هما اللى يقدموا الصلوات🤷🏻‍♂ والذبائح ورفع البخور لربنا عن كل الشعب👨‍👩‍👦‍👦 ومش مسموح🚫 لأى حد غير الكهنه عمل تلك الطقوس.
📍لكن فى واحد اسمه قورح👨🏻 تذمر😏 وكان عايز يكون كاهن زي هارون أخو موسى اللى ربنا كان مختاره
وقدر قورح يأثر على مجموعه من الناس وصل عددهم 250 شخص على رأسهم اثنين اسمهم( داثان وابيرام)👳🏼👳‍♀
📌وطبعا ده كان عدم احترام لاختيار ربنا لأن الله هو من حدد وخصص الكهنوت من سبط لاوى وان هارون يرأسهم .
📌ولما عرف موسى النبى بهذا التذمر زعل جدا وحاول يقنع (قورح وداثان وابيرام )انهم غلطانين وان ربنا زعلان منهم وهيعاقب من يتعدى على اختياره لكنهم رفضوا كلامه واصروا على رأيهم .
📌وبدأ قورح يجمع الناس اللى معاه علشان يروحوا خيمة الاجتماع⛺ ويقوموا بعمل الكهنه .
📌أما الله فكلم موسى وهارون👴🏻👱 وطلب منهم يبعدوا عن قورح ومجموعته لأنه هيعاقبهم لأنهم محترموش الكهنوت لأنه حاجه مقدسه .
📌وفعلا العقاب كان قوى😳 انشقت الأرض🏔 وابتلعت ابيرام وداثان .
أما قورح وال250 رجل اللى قدموا البخور خرجت نار 🌋من الأرض واكلتهم .
🌿واتعلم الشعب كله أن الكهنوت هو اختيار من الله ولابد من احترامه وعدم التعدى عليه .
🎀🎀🎀🎀🎀
📍عارفين فىه كمان شخصيه فى تاريخ كنيستنا الجميله علمتنا الاحترام للى أكبر مننا ذى معلمنا أو مرشدنا الروحى
💖الشخصيه الجميله دى💖 هى (البابا ديمتريوس الكرام ) البابا 12 على الكرسى المرقسى
كان عنده معلم بيعلمه بعض العلوم📙📘🖍✏
فمن شده احترام البابا لمعلمه 👨‍🏫 كان يجلس تحت قدميه لتلقى العلم احتراما له رغم مكانه البابا العظيمه💒
🌹 احنا كمان مهم نعلم ولادنا :
👈معنى كلمة الاحترام
وهو تقدير والتزام وحب
👈الاحترام يكون لمين:
📍 لكل انسان اتعامل معاه الكبير والصغير
📍 بابا وماما واخواتي
📍 الكاهن والخادم وعمو وتاسوني
📍 سر الكهنوت من من أسرار كنيستنا السبعه ..
ورتبه الكهنوت💒 هي اختيار من الله بإرشاد الروح القدس لرعاية شعبه فالكاهن هو من يقف على المذبح لينقل لله توسلاتنا🙏👏 .
🎯التدريب🎯
🏵 تقبيل يد الاب الكاهن احتراما له .ولأنه يحمل جسد الرب ودمه بيديه
🏵 طاعة الأب الكاهن وتنفيذ ارشاده لى فى سر الاعتراف.
ولإلهنا المجد الدائم إلى الأبد امين🙏🙏