لقاء المرأة الكنعانية مع المسيح - آداب الحوار

🌺أحباؤنا اولياء الامور .🌺
درسنا بيتكلم عن لقاء المرأة الكنعانية مع المسيح ( آداب الحوار )
التاريخ : 14/10/2022 الموافق: ٤ بابه ١٧٣٩ 💠
هدف الدرس: 1⃣ أن يعرف الطفل طريقة وفن التحاور مع الاخرين 2⃣ أن يشعر الطفل بأهمية اختيار الكلمات 3⃣ أن يتدرب الطفل على ان يتحاور مع الله في اي وقت ويتحاور مع الاخرين باختيار الوقت المناسب
أيه الدرس: " الجواب اللين يصرف الغضب " ام 15 : 1 💠

💠الدرس:
👈حكايتنا موجوده فى إنجيل متى الإصحاح ١٥
👈كانت فى امرأه كنعانيه يعنى أمميه مش من شعب اسرائيل كانت بتعبد الأوثان وكان عندها بنت
مجنونه سمعت ان يسوع بيشفى الأمراض فذهبت للمكان اللى فيه بابا يسوع وكان بابا يسوع مع تلاميذه فصرخت المرأه ليسوع وقالت ياسيد يا ابن دَاوُدَ ارحمنى ابنتى مجنونه جداً لكن بابا يسوع مردش عليها وسابها تصرخ
👈فضلت المرأه تصرخ لدرجه ان التلاميذ قالوا لبابا يسوع اصرفها لانها تصيح وراءنا
👈لكن كان بابا يسوع رد وقال انا مجتش الا لشعب اسرائيل بس خراف بيت اسرائيل الضاله .
👈ونلاقى المرأه الكنعانيه بكل أدب فى الحوار ومن غير ما تزعل او تغضب جات وسجدت عند بابا يسوع وقالت له يا سيد اعنى .
👈لكن بابا يسوع رد وقال ليس حسنا ان يؤخذ خبز البنين (شعب الله) ويطرح للكلاب(الامم)
👈وردت المرأه الكنعانيه رد جميل وهادى وفيه إيمان ولجاجه لاستجابه طلبها زى الأية لما بتقول " الجواب اللين يصرف الغضب " قالت المرأه الكنعانيه والكلاب أيضا تأكل من الفتات الساقط من مائده الارباب
👈طب تفتكروا ليه رد عليها بابا يسوع كده لم يقصد المسيح أهانتها او تجريحها لكن اليهود كانوا بيشبهوا الامم بالكلاب فالسيد المسيح أراد إظهار ايمانها ولجاجتها امام التلاميذ وعلشان يقول لليهود شوفوا ايمان الامم اللي بتقولوا عليهم كلاب وكمان يعرفهم انه أتى لخلاص كل البشر اليهود والامم
👈وقدام الإيمان العظيم للمرأه الكنعانية مدحها بابا يسوع وقال لها عظيم إيمانك ليكن لك ما تريدين فشفيت ابنتها فى تلك الساعه .
🌹واحنا كمان لما نيجى نتكلم مع الناس: -لا نتذمر ونغضب حتى يستجاب لنا -نختار الوقت المناسب علشان نتكلم -لا نقاطع احد اثناء الكلام -نتكلم بصوت هادى -نختار كلام مناسب ( أشكرك، من فضلك ، حاضر ....)
🌹ولما نيجى نتكلم مع بابا يسوع: -نتكلم مع ربنا فى اى مكان وفى اي وقت ربنا دايماً بيسمعنا - نطلب من ربنا بإيمان ولجاجه وأدب زى المرأه الكنعانيه .

🌹تدريب:
١- نتدرب دايماً انتا نضيف لفظ رقيق الى طلبنا مثال: لو سمحت - من فضلك - بعد إذنك…….
٢- نقول في كل وقت الصلاة السهمية: ياربي يسوع المسيح ارحمني - ياربي يسوع المسيح أعني. ونثق ان ربنا يعيننا وبيسمع طلباتنا المستمرة بلجاجة.

🌹ولالهنا المجد الدائم إلى الأبد امين🌹