لماذا تجسد الله ؟

⛪باسم الاب والابن والروح القدس اله واحد امين ⛪
التاريخ:-الجمعه الموافق
٣٠ ديسمبر٢٠٢٢ م
٢١ كيهك ١٧٣٩ش

🌹احباؤنا اولياء الامور وأولادنا الحلوين🌹
🌟درسنا اليوم بيتكلم عن 🌟
🧚🏻‍♀🧚🏻‍♀لماذا تجسد الله ؟🧚🏻‍♀🧚🏻‍♀
💥ايه الدرس💥
عظيم هو سر التقوى الله ظهر في الجسد ( ١تي ١٦:٣ )
🎯هدف الدرس 🎯
🏵ان يعرف لماذا تجسد الله ؟
🏵ان يشعر بمحبة الله الفياضة لخلاصنا
🏵ان يتدرب على كتابة بركات الله ومحبته له خلال الْيَوْمَ
🌺ازيكم ياحابيبى الحلوين
كل سنه وأنتم طيبين درسنا جميل اوى وممتع
عايز اسأل سؤال
- لماذا تجسد الله؟
✨فعلا ياولاد علشان محبته الكبيرة لينا كلنا احنا أولاده وكان محكوم علينا بالموت بسبب خطية امنا حواء وأبونا آدم
🌠لكن ربنا تجسد من امنا العذراء علشان يكون الانسان اللي من غير خطية ولكن لم يفقد لاهوته لحظه واحدة..
تعالوا احكيلكم حكايه توضح ليكم مدى محبه ربنا لأولاده
🤴🏻كان فيه زمان ملك
وكان عنده وزير مسيحي عظيم اوي ذو خبرة كبيره وعقل مدبر فى كل أمور الحكم وفى يوم سأل الملك .....الوزير... لماذا يأتى الله بنفسه وياخذ جسدنا من العذراء ويولد فى مذود صغير ويتألم ..كان سهل عليه يأمر بكلمه ليخلص العالم أو يرسل من ينوب عنه من الأنبياء أو الملائكة ؟
🧐لم يجب الوزير عليه وطلب من الملك مهله ٣ ايّام للإجابة على سؤاله!!!🧐
👍🏻وذهب الوزير الى نحات ماهر وطلب منه ان ينحت له تمثال يشبه تماما الامير الصغير ابن الملك وأخذ التمثال الى الخادمة🤱 المسؤله عن تنزه الطفل الامير فى الحديقة وطلب منها ان تلبس التمثال ملابس من ملابس الامير وتضعه فى العربانه وتسير به فى الحديقة وعندما يعطى الوزير الاشاره يرفع إيده اليسرى تقوم الخادمة🤱 برمي الطفل التمثال في بركة الحديقة
👍🏻وبالفعل فى الْيَوْمَ الثالث تقابل الملك مع الوزير وطالب الملك الوزير بالاجابة على سؤاله..
-لماذا تجسد الله؟ وفى الحال رفع الوزير 🙋‍♂يده اليسرى فقامت
الخادمه برمى الطفل التمثال فى البركة ذهل الملك وأسرع بالقفز وراء ابنه لانقاذه من الغرق
لكن وجد الملك انه تمثال😤 وفى حالة غضب شديد قال الملك من امر بذلك ؟؟
اجابه الوزير بعد تهدئته أنا الذى دبرت هذا ولكن 🤔لماذا أيها الملك لم تأمر احد الحراس او تأمرني بإنقاذ ابنك ؟
❤فاجاب الملك انها المحبة الأبوية هي التى دفعتني لحماية وفداء ابني من الموت ...🌠
❤تمام ذى محبه ابونا الذى فى السماء عظيمة وكبيرة
ربنا تجسد علشان يعطينا الحياة الابدية ويعطينا البركات الكتير🧚🏻‍♀🧚🏻‍♀
🔥ما هى بركات التجسد ؟🔥
👈🏻بالتجسد اخذنا الفداء للبشرية ورفع حكم الموت بالصليب
👈🏻بالتجسد تجددت حياتنابالمعمودية وزيت الميرون وسكن داخلنا روح الله
👈🏻بالتجسد أصبح لينا فرصة في التوبه وغفران الخطايا ودخول ملكوت السموات عند ابونا السماوي
👈🏻بالتجسداصبحنا أبناء الله نقدر نهزم الشيطان ونتصر عليه
❤️ حبايبى شفنا أد أيه ربنا بيحبنا ، وأزاى نزل من السماء واتحمل الألام عشان يفدينا ، احنا كمان بنقوله يارب احنا بنحبك اوى وهنعمل كل حاجة تفرح قلبك .
🌟التدريب🌟
💥كل واحد فينا يراجع نفسه كل يوم ويشوف قدم ايه لربنا اللى فداه بدمه .
💥تيجي نتفق مع بعض نعمل نوته نكتب فيها كل المواقف الحلوة اللى شعرنا فيها بقوة محبة ربنا في حياتنا
🙏🏻🙏🏻الله يعطينا ان نكون محبين له و سامعين عاملين له كل المجد
امين 🙏🏻🙏🏻